शिवसेना (ठाकरे गट) पक्षप्रमुख उद्धव ठाकरे यांनी अलिकडेच ठाण्यात माध्यमांशी बोलताना राज्याचे उपमुख्यमंत्री आणि गृहमंत्री देवेंद्र फडणवीस यांना फडतूस म्हटलं. त्यावर संतापलेल्या देवेंद्र फडणवीसांनी “मी काडतूस आहे, झुकेगा नही, घुसेगा” अशा शब्दात उद्धव ठाकरेंना उत्तर दिलं. ठाकरे आणि फडणवीसांमधली खडाजंगी एकीकडे सुरू असताना मनसे नेते प्रकाश महाजन यांनी या दोघांवरही टीकास्त्र सोडलं आहे. प्रकाश महाजन म्हणाले, “देवेंद्र फडणवीसांनी, उद्या मी बोललो तर महागात पडेल असं काही बोलण्यापेक्षा खरंच काहीतरी बोलावं. महाराष्ट्राच्या जनतेला सर्वकाही कळू द्यावं”.

प्रकाश महाजन म्हणाले की, मला बरंच काही माहिती आहे, उद्या मी बोललो तर… असं काही फडणवीस यांनी बोलण्यापेक्षा खरंच काहीतरी बोलावं. आमचीदेखील इच्छा आहे तुम्ही बोलावं. जनतेला कळू द्या, त्यांनी तुम्हाला फडतूस म्हटलंय, तुम्ही बोला नेमकं काय बोलायचं आहे ते स्पष्ट बोला.

हे ही वाचा >> “…तेव्हा माझ्यावर दारुवाली बाई अशी टिप्पणी झालेली”, पंकजा मुंडेंनी व्यक्त केली खंत, म्हणाल्या, “राजकारणात…”

This quiz is AI-generated and for edutainment purposes only.

महाजन म्हणाले की, एक उडत उडत आलेली माहिती आहे. ही माहिती खरी आहे की खोटी याबद्दल माझ्या मनात शंका आहे किंवा त्याला भक्कम आधार नाही. परंतु मातोश्री २ बंगल्याचं जे बांधकाम सुरू आहे, त्याच्या एफएसआयवर काही प्रश्न होते. ते देवेंद्र फडणवीसांनी सोडवले होते. तेव्हा हेच देवेंद्र फडणवीस तुमच्यासाठी फूल होते, ते आता तुमच्यासाठी फडतूस झाले आहेत. त्यामुळे देवेंद्र फडणवीसांनी आता सांगावं ते खरं होतं की खोटं होतं. ते तुम्हाला फडतूस म्हणतायत आणि तुम्ही जर खरंच काडतूस आहात तर मग एखादी गोळी चालवून दाखवा.