scorecardresearch

Premium

रोहित पवारांचा अजित पवारांना टोला!, “रोखठोक भूमिका घेणारे नेतृत्व स्वतःच्याच सहकाऱ्यांची बाजू घेताना अडखळत..”

राष्ट्रवादी काँग्रेसचे आमदार रोहित पवार यांनी केलेली पोस्ट चर्चेत

Rohit pawar and Ajit Pawar
रोहित पवार नेमकं काय म्हणाले आहेत? (फोटो-X)

नवाब मलिक प्रकरणावरुन सत्ताधारी महायुतीत ऑल इज नॉट वेल असल्याची स्थिती आहे. उपमुख्यमंत्री देवेंद्र फडणवीस यांनी नवाब मलिक आपल्या बरोबर नकोत असं पत्रही अजित पवारांना लिहिलं आहे. अधिवेशनात नवाब मलिक सत्ताधारी बाकांवर बसल्याने शिंदे गटाचीही कोंडी झाली आहे. अशात आता रोहित पवार यांनी अजित पवार यांचं नाव न घेता ते स्वतःच्याच सहकाऱ्यांची बाजू घेताना कसे अडखळत आहेत हे म्हटलं आहे. रोहित पवारांची ही सूचक पोस्ट चर्चेत आहे.

काय म्हटलं आहे रोहित पवार यांनी?

प्रशासनावर पकड असलेले, कार्यक्षम, स्पष्टवक्ते, रोखठोक भूमिका घेणारे नेते म्हणून ओळख असलेले नेतृत्व आज स्वतःच्याच सहकाऱ्याची बाजू मांडताना अडखळत आहे, हे बघून अत्यंत वाईट वाटतं. भाजपला केवळ सांगकामे नेतृत्व आवडतं. स्वयंभू नेतृत्व त्यांना नको असतं म्हणूनच त्यांच्याकडून लोकनेते संपवले जातात. आता वैचारिक मतभेद असले तरी एक क्षमता असलेला लोकनेता भाजपच्या रणनीतीचा शिकार होत आहे, याचं दुःख सर्व सहकाऱ्यांसह सर्वसामान्यांनाही नक्कीच आहे!

Congress Aggressive Against Agnipath scheme  Promise to cancel if come to power
‘अग्निपथ’विरोधात काँग्रेस आक्रमक; सत्तेवर आल्यास रद्द करण्याचे आश्वासन, खरगे यांचे राष्ट्रपतींना पत्र
Amol Mitkari on Jitendra Awhad
‘घाऱ्या डोळ्यांचा तथाकथित पुरोगामी’, अजित पवारांवरील टीकेनंतर अमोल मिटकरींचा आव्हाडांवर पलटवार
Ajit Pawar funny speech
“काही मुली माझ्यावर फुलांच्या पाकळ्या…”, गडहिंग्लजच्या सभेत अजित पवारांची मिश्किल टोलेबाजी
guardian minister tanaji sawant criticized opposition
“अडगळीत पडलेल्यांना लोकप्रतिनिधी केले”, मंत्री तानाजी सावंत फटकेबाजी; नेमका रोख कोणावर?

विधिमंडळाच्या हिवाळी अधिवेशनादरम्यान पहिल्याच दिवशी भारतीय जनता पार्टी अजित पवार गट या दोन सत्ताधाऱ्यांमध्ये विसंवाद निर्माण झाल्याचं चित्र दिसून आलं. विशेष म्हणजे सभागृहात हे काहीही न घडता सभागृहाबाहेर हे सगळं घडून आलं. सकाळी सभागृहात एकत्र बसलेल्या देवेंद्र फडणवीसांनी संध्याकाळी अजित पवारांना पत्र पाठवून नवाब मलिकांबाबत नाराजी व्यक्त केली आणि हे पत्र त्यांनी ट्विटरवरही पोस्ट केलं. त्यामुळे यावरून तर्क-वितर्कांना उधाण आलं असताना आता त्यावर अजित पवारांनी आपली भूमिका स्पष्ट केली.

नवाब मलिकांच्या समावेशावरून मतभेद!

देवेंद्र फडणवीसांनी नवाब मलिकांना अजित पवार गटात सहभागी करून घेण्यावरून आपली नाराजी व्यक्त केली. त्यांनी रीतसर पत्र लिहून नवाब मलिकांच्या सरकारमधील समावेशाला आपला विरोध असल्याचं स्पष्ट केलं. तसेच, “आमच्या भावनांचा आपण विचार कराल”, अशा सूचक शब्दांमध्ये देवेंद्र फडणवीसांनी पत्राचा शेवट केला आहे. त्यामुळे यावरून तर्कवितर्कांना उधाण आलेलं असताना अजित पवारांनी आज सकाळी माध्यमांशी बोलताना नवाब मलिकांची भूमिका अद्याप स्पष्ट झालेली नसल्याचं सांगितलं आहे.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Rohit pawar taunts ajit pawar over nawab malik issue via x post on social media scj

First published on: 09-12-2023 at 12:29 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×