पानसरे हत्या प्रकरण : पहाटे एसआयटीने तिघांना केली अटक - Marathi News | Special Investigation Team Sit Investigating Govind Pansare Murder Case Has Taken The Three Accused In Custody Nck 90

सकाळी अकरा वाजता त्यांना कोल्हापूर न्यायालयात हजर केले जाणार आहे.

कामगार नेते गोविंद पानसरे यांच्या हत्येप्रकरणी शुक्रवारी एसआयटीने आणखी तिघांना ताब्यात घेतलं आहे. सचिन अंदुरेसह अन्य दोघांना एसआयटीने पुणे आणि मुंबईतून ताब्यात घेतले आहे. सकाळी अकरा वाजता त्यांना कोल्हापूर न्यायालयात हजर केले जाणार आहे. १६ फेब्रुवारी, २०१५ रोजी भाकपचे नेते व ज्येष्ठ विचारवंत कॉ. गोविंद पानसरे व त्यांची पत्नी उमा पानसरे यांच्यावर दुचाकीवरून आलेल्या दोन तरुणांनी गोळ्या झाडल्या, यामध्ये कॉ. पानसरे यांचा मृत्यू झाला.

Maharashtra: Special Investigation Team (SIT) investigating Govind Pansare murder case has taken the three accused in custody. They will be produced in Kolhapur court today.
— ANI (@ANI) September 6, 2019

डॉ. नरेंद्र दाभोळकर हत्येप्रकरणी अटक करण्यात आलेला सचिन अंदुरे याला पुण्यातील तुरूंगातून बेड्या ठोकल्या आहेत. अमित बद्दी आणि गणेश मिस्किन याला मुंबई येथील आर्थर रोड जेलमधून ताब्यात घेण्यात आले. तिघांच्या अटकेनंतर पानसरे हत्याप्रकरणात अटक झालेल्या आरोपींची संख्या बारा झाली आहे.

First published on: 06-09-2019 at 10:03 IST

Kolhapur News (कोल्हापूर न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Special investigation team sit investigating govind pansare murder case has taken the three accused in custody nck