मुंबई-पुणे द्रुतगती मार्गावर खालापूरजवळ झालेल्या अपघातात तीन ठार तर दोन जण जण जखमी झाले. मृतांमध्ये दोन महिला आणि एका बालकाचा समावेश आहे. जखमींवर कामोठे येथील एमजीएम रुग्णालयात उपचार सुरू आहेत. खालापूर पोलीस ठाण्याच्या हद्दीत माडपजवळ रविवारी दुपारी हा अपघात झाला. चालकाचा ताबा सुटल्याने कार झाडावर जाऊन आदळली. यात गाडीतील अंजू पटेल (३२), दिना सिंग (४३) या दोन महिला आणि पूर्व पटेल हे तीन महिन्याचे बाळ हे तिघेही जागीच ठार झाले, तर प्रणव पटेल व मनीष जयंतीलाल (वय ३२) हे दोघे गंभीर जखमी झाले. सर्व जण गुजरातमधील सुरतचे रहिवासी आहे. महाराष्ट्र पर्यटनासाठी आलेले हे कुटुंब पुण्याहून मुंबईच्या दिशेने येत होते.
