लाडकी बहीण योजनेचे अर्ज भरण्यासाठी नेट कॅफेंनी मांडला बाजार; सोलापुरात दोन नेट कॅफेंवर गुन्हा दाखल

सात रस्ता भागातील प्रगती नेट कॅफे आणि योगेश्वर नेट कॅफे अशा दोन ठिकाणी उत्तर सोलापूर तहसील कार्यालयातील मंडल अधिकारी सरिका कल्याण वाव्हळ यांनी खातरजमा केली असता तेथे मुख्यमंत्री माझी लाडकी बहीण योजनेसाठी अर्ज भरून घेताना कोणतेही शुल्क आकारणे अपेक्षित नसताना महिलांकडून शंभर रूपये ते दोनशे रूपयांची रक्कम उकळली जात असल्याचे आढळून आले.

हेही वाचा…सांगली : पावसाचे पुनरागमन, वारणा दुथडी भरून वाहिली; चांदोली धरणात ४६ टक्के पाणीसाठा

महा-ई-सेवा केंद्र म्हणून अधिकृत मान्यता नसताना या दोन्ही नेट कॅफेंमध्ये घडत असलेला प्रकार शासनाची दिशाभूल आणि फसवणूक करणारा असल्यामुळे त्याबद्दल तात्काळ फौजदारी कारवाई करण्यात आली. सदर बझार पोलीस ठाण्यात संबंधित दोन्ही नेट कॅफेचालक व मालकांविरूध्द गुन्हा दाखल झाला आहे.