भारतीय जनता पार्टीने लोकसभा निवडणुकीसाठी पहिल्या टप्प्यातील उमेदवारांची यादी नुकतीच जाहीर केली आहे. भाजपाने पहिल्या यादीद्वारे १९५ उमेदवारांची नावं जाहीर केली आहेत. या यादीद्वारे उत्तर प्रदेशमधील सर्वाधिक ५१ उमेदवारांच्या नावांची घोषणा करण्यात आली आहे. या यादीनुसार पंतप्रधान नरेंद्र मोदी वाराणसीतून तिसऱ्यांदा, गृहमंत्री अमित शाह गांधीनगरमधून दुसऱ्यांदा आणि संरक्षणंमंत्री राजनाथ सिंह लखनौमधून तिसऱ्यांदा लोकसभा लढवणार आहेत. दरम्यान, काँग्रेस सोडून भाजपात गेलेल्या महाराष्ट्रातील एका नेत्याचं नाव या यादीत समाविष्ट करण्यात आलं आहे. हे नाव वाचून अनेकांना धक्का बसला आहे. तसेच या नावावर शिवसेनेच्या ठाकरे गटाचे प्रमुख उद्धव ठाकरे यांनीदेखील आक्षेप नोंदवला आहे.

शिवसेनेच्या ठाकरे गटाचे प्रमुख उद्धव ठाकरे यांची रविवारी (३ मार्च) रात्री मुंबईतल्या धारावी येथे सभा पार पडली. यावेळी उद्धव ठाकरे यांनी केंद्रातल्या मोदी सरकारवर आणि राज्यातल्या शिंदे-फडणवीस सरकारवर टीका केली. तसेच भाजपाने जाहीर केलेल्या लोकसभा उमेदवारांच्या पहिल्या यादीवर भाष्य केलं.

Ganpat Gaikwad supporters support Shrikant Shinde in Kalyan East
कल्याण पूर्वेत गणपत गायकवाड समर्थकांचा श्रीकांत शिंदे यांना पाठिंबा
The seat sharing dispute in the Grand Alliance ends in two days
महायुतीमधील जागावाटपाचा तिढा दोन दिवसांत सुटेल; ३ मित्रपक्ष युतीधर्म पाळत नसल्याबद्दल शिंदे गटात नाराजी
Nashik Lok Sabha
साहेब, जागा वाचवा… – नाशिकच्या शिंदे गटाच्या पदाधिकाऱ्यांचे मुख्यमंत्र्यांना साकडे
Hemant Godse
अस्वस्थ खासदार हेमंत गोडसे कार्यकर्त्यांसोबत मुख्यमंत्र्यांच्या ठाण्यातील निवासस्थानी, अन्याय होणार नसल्याची एकनाथ शिंदेंची ग्वाही

उद्धव ठाकरे उपस्थितांना संबोधित करताना म्हणाले, साधी गोष्ट सांगतो भाजपाने १९५ लोकांची यादी जाहीर केली आहे. या यादीत कुणाची नावं आहेत? मोदी-शाह यांची नावं आहेत. पण, आम्हाला नरेंद्र मोदी, अमित शाह यांनी नावं माहिती नव्हती. भाजपाची ओळख आम्हाला प्रमोद महाजन आणि गोपीनाथ मुंडे यांनी करुन दिली. त्यानंतर त्यांच्याबरोबर नितीन गडकरी आले. युतीच्या काळात त्यांनी ५५ उड्डाणपूल बांधले, भाजपाचा निष्ठावान कार्यकर्ता असलेला माणूस.. त्यांचं नाव पहिल्या यादीत नाही. परंतु, मुंबईतला एक माणूस ज्याच्यावर भाजपाने भ्रष्टाचाराचे, बेहिशेबी मालमत्ता साठवून ठेवल्याचे आरोप केले होते. त्या कृपाशंकर सिंहचं नाव पहिल्या यादीत आहे. परंतु, नितीन गडकरींसारख्या निष्ठावान भाजपा कार्यकर्त्याचं नाव या यादीत नाही. ‘कुठे नेऊन ठेवलाय महाराष्ट्र माझा?’ ही भाजपाची जाहिरात होती ना.. आता त्यांनी देश कुठे नेऊन ठेवलाय? असा प्रश्न सर्वांना पडला आहे.

ठाकरे गटाचे प्रमुख उद्धव ठाकरे म्हणाले, मागच्या वेळी (लोकसभा निवडणूक २०१९) युतीचे ४२ खासदार निवडून आले नसते तर दिल्लीचं तख्त राहिलं नसतं. महाराष्ट्रगीतात म्हटलं आहे त्याप्रमाणे आपल्याला आधी दिल्लीचं तख्त फोडावं लागेल आणि मग आपलं तख्त तिथे निर्माण करावं लागेल. यांची जी काही मिजास आहे ‘अब की बार ४०० पार’ची, पण मी म्हणतो ‘अब की बार भाजपा तडीपार’.आगामी निवडणुकीत आपल्याला यांना तडीपार करायचं आहे आणि दिल्लीच्या तख्तावर आपला भगवा फडकवायचा आहे.