“…चरणदास आता आपली दादागिरी दाखवू शकत नाहीत”, वडेट्टीवारांची अजित पवारांवर टोलेबाजी

महाविकास आघाडी सरकारमध्ये असताना सगळ्यांना धाक दाखवून सर्व तिजोरी साफ करत होतात. आता तशीच धमक अजित पवारांनी दाखवावी. निधी मिळत नाही, म्हणून रडण्यापेक्षा दुसऱ्यांना रडवण्याची हिंमत आहे का? असा सवालही वडेट्टीवार यांनी अजित पवारांना विचारला आहे. ते नागपूर येथे प्रसारमाध्यमांशी बोलत होते.

हेही वाचा- “दादांचा चेहरा पाहिला तरी…”, अजित पवारांच्या नाराजीवर रोहित पवारांचं विधान

अजित पवारांच्या नाराजीबाबत विचारलं असता विजय वडेट्टीवार म्हणाले, “अजित पवार कधी खूश असतात? ते नेहमीच नाराज असतात. त्यांच्या मनाप्रमाणे झाले, तर ते खूश होतात. मनाविरुद्ध झाले, तर नाराज. ‘हम करे सो कायदा’अशा पद्धतीने त्यांची भूमिका असते. आता तीन पक्षांच्या सरकारमध्ये त्यांना वाटतं की, निधी मिळत नाही. अरे तिजोरीची चावीच तुमच्याकडे आहे, मग तुम्ही दुसऱ्यांकडे तक्रार का करता? आता तुमची धमक दाखवा.”

हेही वाचा- “तक्रार करताना अजित पवार रडले, असं…”, अमित शाहांबरोबरच्या भेटीबाबत काँग्रेसच्या नेत्याचं मोठं विधान

“महाविकास आघाडी सरकारमध्ये धाक दाखवून सर्व तिजोरी साफ करत होतात. तीच धमक आता अजित पवारांनी दाखवावी. निधी मिळत नाही, म्हणून रडण्यापेक्षा दुसऱ्यांना रडवण्याची हिंमत आहे का? हे अजित पवारांनी दाखवण्याची गरज आहे. आमचे संजय राऊत म्हणतात त्याप्रमाणे अजित पवार दिल्लीचे चरणदास झाले आहेत. आता चरणदास आपली दादागिरी दाखवू शकत नाही,” असा टोलाही विजय वडेट्टीवार यांनी लगावला.