वर्धा : करोनाच्या संकट काळात माजी नगराध्यक्षांची मोलाची मदत

पोलिसांना चहा-नाश्त्यानंतर आता भाजी विक्रेत्यांना मोफत मास्क वाटप

वर्धा : माजी नगराध्यक्षा शोभा तडस यांनी आज भाजी बाजारात विक्रेत्यांना मोफत मास्कचे वाटप केले.

प्रशांत देशमुख

महिला मंडळाच्या माध्यमातून सामाजिक कार्य करणाऱ्या माजी नगराध्यक्षा व खासदार रामदास तडस यांच्या पत्नी शोभा तडस यांनी स्वत: शिवलेल्या मास्कचे आज मोफत वाटप करीत चहा नाश्त्यानंतर मदतीचे दुसरे पाऊल टाकले.

टाळेबंदीच्या पार्श्वभूमीवर विविध कामं पुढे आली आहेत. स्वयंसेवी संस्था व व्यक्तीही प्रशासनाला त्यात सहकार्य करीत आहे. हे पाहून शोभा तडस यांनी महामार्गावर तैनात पोलीस कर्मचाऱ्यांना महिला सहकाऱ्यांसह तयार केलेला नाश्ता खाऊ घातला होता. सोबतच रात्रकालीन सेवेत असणाऱ्या पोलीस कर्मचाऱ्यांची जेवणाची व्यवस्थाही केली होती. आता मास्कचा तुटवडा व उपलब्ध मास्क महागड्या किंमतीत विकले जात असल्याचे पाहून शिवणकामात तरबेज असलेल्या शोभाताईंनी घरचेच शिवणयंत्र बाहेर काढले. सोबतच आपल्या महिला सहकाऱ्यांनाही मदतीला घेतले.

दररोज दोनशे मास्क शिवून तयार होत असल्याचे त्यांनी सांगितले. गेल्या पंधरा दिवसात देवळी व ग्रामीण परिसरातील आरोग्य केंद्रावर या मास्कचे वाटप करण्यात आले. आज वर्धा शहरातील रोटरीतर्फे लावण्यात आलेल्या सुरक्षित भाजी बाजारातील विक्रेत्यांनाही त्यांनी मास्कचे वाटप केले. मास्क काढू नका, करोनाला निमंत्रण देवू नका, असा सल्लाही द्यायला त्या विसरल्या नाही. पाच हजार मास्क शिवण्याचे उद्दिष्ट असल्याचे त्यांनी सांगितले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Wardha excessive help from former mayor during corona crisis aau

ताज्या बातम्या