-दत्तात्रय भरोदे दोन वर्षांच्या मुलीसह एका महिलेने रेल्वेसमोर येऊन आत्महत्या केल्याची घटना मध्य रेल्वेच्या आसनगाव स्थानकाजवळ काल (शनिवार) रात्री साडेआठ वाजेच्या सुमारास घडली. हेमांगी रेपे व संस्कृती रेपे अशी या मायलेकींची नावे असून त्या उल्हासनगर येथे रहाणाऱ्या आहेत. कल्याण लोहमार्ग पोलीस ठाण्यात याबाबत अकस्मात मृत्यूची नोंद करण्यात आली आहे. मध्य रेल्वेच्या आसनगाव स्थानकानजीक अप सिग्नल जवळ शनिवारी रात्री साडेआठ वाजेच्या सुमारास मुंबईकडे जाणाऱ्या तपोवन एक्सप्रेस समोर येऊन हेमांगी रेपे (२८) व संस्कृती रेपे (२) त्यांनी आत्महत्या केली अशी माहिती कल्याण रेल्वे पोलिसांनी दिली. एक्सप्रेसच्या जोरदार धडकेत त्यांचा जागीच मृत्यू झाला.
