येवल्यात चिमुरडीचा अपघात, प्रकृती चिंताजनक

रणवी संतोष सिंधी (दीड वर्ष) हे या चिमुकलीचे नाव असून. लक्ष्मीनारायण रस्त्याच्या कडेला ती आपल्या भावासोबत घराच्या अंगनात खेळत होती. या रस्त्यावरून वेगाने जाणारा रेतीचा मालवाहु छोटा हत्ती ट्रक तिच्यावर येवून धडकला. तिच्या डोक्याला यामुळे गंभीर मार बसला आहे. तिला तात्काळ नाशिक येथील खाजगी रुग्णालयात हलविण्यात आले.

शहरात दुचाकी, विटा- वाळू वाहून नेणारी लहान मोठी वाहने भरधाव वेगाने जातात. मालवाहतुक करणा-या वाहनचालकांवर कोणाचेही नियंत्रण नसल्याचा संताप येथील नागरिकांकडून व्यक्त होत आहे. पालिका प्रशासनाने या घटनेची गंभीर दखल घ्यावी अन्यथा आंदोलन छेडले जाईल असा इशारा येथील नागरिकांनी दिला आहे.