03 March 2021

News Flash

‘क्वीन’ कंगनावर आमीर खानकडून कौतुकाचा वर्षाव!

सोनाक्षी सिन्हा, हुमा कुरेशी, सोनू सूध आणि अन्य बॉलिवूड सेलिब्रिटींनी 'क्वीन' चित्रपटातील कंगना राणावतच्या अभिनयाचे मोठ्याप्रमाणावर कौतुक केल्यानंतर, आता मि. परफेक्शनिस्ट आमिर खाननेदेखील...

| March 10, 2014 06:30 am


सोनाक्षी सिन्हा, हुमा कुरेशी, सोनू सूध आणि अन्य बॉलिवूड सेलिब्रिटींनी ‘क्वीन’ चित्रपटातील कंगना राणावतच्या अभिनयाचे मोठ्याप्रमाणावर कौतुक केल्यानंतर, आता मि. परफेक्शनिस्ट आमिर खाननेदेखील चित्रपटाविषयीच्या आपल्या भावना टि्वटरवर व्यक्त केल्या आहेत. शनिवारी (८ मार्च) मुंबईत आमीर खानसाठी या चित्रपटाचा खास शो ठेवण्यात आला होता. चित्रपट पाहिल्यावर आपल्या भावना व्यक्त करताना आमीर म्हणाला, “काय चित्रपट आहे!!! तुम्ही सर्वांनी क्वीन पाहायलाच हवा!!! ज्या कोणी हा चित्रपट अजून पाहिलेला नसेल, त्यांनी त्वरीत जाऊन हा चित्रपट पाहावा.” लग्नाच्या एक दिवस आधी नवरदेव विजयने (राजकुमार राव) लग्नास नकार दिल्यावर एकटीनेच हनिमुनला गेलेल्या राणीला (कंगना राणावत) स्वत:मधील क्षमतेची ओळख पटते. या कथेवर आधारित ‘क्वीन’ चित्रपट आजच्या सर्व तरूण मुली आणि मुलांसाठी फार महत्वाचा असल्याचे आमिर खानचे मानणे आहे. या विषयीच्या टि्वटरवरील संदेशात तो म्हणतो, “प्रत्येक मुलीसाठी हा चित्रपट महत्वाचा आहे, प्रत्येक स्त्रीने पाहावा, असा हा चित्रपट आहे… आणि खरतर प्रत्येक पुरूषांनेसुद्धा पाहायला हवा!”

समीक्षक आणि प्रेक्षकांकडून पसंती मिळालेला हा चित्रपट पाहून आमीर खान प्रभावित झाला आहे. अशा प्रकारचा चित्रपट बनविण्यासाठी विकास बहलला धन्यवाद देताना आमीर म्हणाला, “हा चित्रपट बनविण्यासाठी विकास बहल आणि टीमचे धन्यवाद. आणि कंगना… यु रॉक!!! लव्ह. a.”

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 10, 2014 6:30 am

Web Title: aamir khan in awe of kangana ranauts queen
Next Stories
1 ‘कोचादैयान’ ठरला आय-ट्युन्स आणि टि्वटरवरचा ट्रेन्डसेटर
2 आमिरने दाखल केली पोलिसांकडे तक्रार
3 पाहा : सलमानची मैत्रिण लुलिया वंटुरच्या ‘उम्बक्कुम’ गाण्याचा व्हिडिओ
Just Now!
X