आराध्या बच्चन ही सोशल मीडियाची आवडती स्टार आहे. इंटरनेटवर तिचे अनेक व्हिडिओ आणि फोटो सातत्याने व्हायरल होत असतात. मंगळवारी रात्री ऐश्वर्या मुलगी आराध्या आणि आई वृंदा राय यांच्यासोबत जेवायला गेली होती. हॉटेलमधून बाहेर निघताना तिघंही कॅमेऱ्यामध्ये कैद झाले. हॉटेलमधून बाहेर पडताना जेव्हा वृंदा राय त्यांच्या गाडीत बसायला निघाल्या तेव्हा आराध्या फार भावूक झाली. ती धावत आजीकडे गेली आणि तिला घट्ट मिठी मारली. आजी आणि नातीच्या या खास बॉण्डिंगचा व्हिडिओ सध्या सोशल मीडियावर व्हायरल होत आहे. व्हिडिओमध्ये आजी लांब जाताना दिसते तेव्हा आराध्या तिला हाक मारून बोलावून घेते. यानंतर दोघीही एकमेकींना घट्ट मिठी मारतात. नातीला मिठी मारल्यानंतर ती मुलीला मिठी मारायला विसरत नाही. व्हिडिओमध्ये आजीचं नातीवर असणारं प्रेम लख्ख दिसतं. आराध्याला आजीसोबत जास्तीत जास्त वेळ घालवायचा होता. म्हणूनच आजी दूर जातेय कळल्यावर ती आजीला थांबवायला पळली. ऐश्वर्याने नुकताच तिचा लहानपणीचा फोटो इन्स्टाग्रामवर शेअर केला आहे. या फोटोमध्ये ती आपल्या शाळेतील मित्र- मैत्रिणींसोबत बसलेली दिसत आहे. ऐश्वर्याचा लहापणीचा फोटो पाहिल्यावर आराध्या हुबेहुब तिच्याचसारखी दिसते याचा पुन्हा एकदा प्रत्यय येतो.
