शिवसेना नेत्या व अभिनेत्री ऊर्मिला मातोंडकर यांचं इन्स्टाग्राम अकाऊंट हॅक करण्यात आलं आहे. मातोंडकर यांनी स्वतः यांची ट्विट करून माहिती दिली आहे. ऊर्मिला मातोंडकर यांनी ट्विट करून आपलं इन्स्टाग्राम अकाऊंट हॅक झाल्याची माहिती दिली. याची त्यांनी इन्स्टाग्रामकडेही तक्रार नोंदवली आहे. पडताळणी करण्यासाठी आपल्याला काही गोष्टी करण्यास सांगण्यात आल्या आणि नंतर अकाऊंट हॅक झालं. खरोखर? असं आश्चर्यही त्यांनी व्यक्त केलं आहे. त्यांच्या अकाऊंटवर सध्या इन्स्टाग्रामवर काम सुरू केलं आहे. My Instagram account has been hacked @instagram First they DM you n ask to follow a few steps n verify the account n it then it gets hacked..really..!!???#notdone — Urmila Matondkar (@UrmilaMatondkar) December 16, 2020 ऊर्मिला मातोंडकर या प्रसिद्ध अभिनेत्री असून, त्यांचे अनेक सिनेमे गाजलेले आहेत. त्याचबरोबर मागील काही वर्षांपासून त्या राजकारणात सक्रिय झाल्या आहेत. सुरूवातीला काँग्रेसकडून लोकसभेची निवडणूक त्यांनी लढवली होती. त्यानंतर काँग्रेसचा राजीनामा देत त्यांनी स्वतः काँग्रेसपासून बाजूला केलं होतं. त्यानंतर काही दिवसांपूर्वीच त्यांनी शिवसेनेत प्रवेश करत नव्याने राजकीय कारकीर्दीला सुरूवात केली आहे.