News Flash

‘महिला मंडल’मध्ये अक्षय कुमार; विद्या बालन देणार साथ

तब्बल ११ वर्षांनंतर अक्षय आणि विद्या एकत्र काम करणार आहेत.

अक्षय कुमार, विद्या बालन

‘टॉयलेट : एक प्रेम कथा’, ‘पॅडमॅन’ यांसारख्या सामाजिक विषयांवरील चित्रपटांनंतर अभिनेता अक्षय कुमार आणखी एका महत्त्वपूर्ण विषयावर काम करणार आहे. ‘पॅडमॅन’ चित्रपटाचे दिग्दर्शक आर. बाल्की यांच्या आगामी चित्रपटात अक्षय मुख्य भूमिका साकारणार आहे. ‘महिला मंडल’ असं या चित्रपटाचं नाव असून यामध्ये विद्या बालन आणि निम्रत कौरसुद्धा झळकणार आहेत.

या चित्रपटाची कथा महिलांच्या अवतीभवती फिरणार असल्याचं शीर्षकावरून समजून येत आहे. भारताच्या मंगळयान मोहिमेवर बाल्की चित्रपट काढणार असल्याची चर्चा काही दिवसांपूर्वी होती. या मोहिमेत महिलांनी दिलेल्या अभूतपूर्व योगदानावर चित्रपटातून प्रकाश टाकण्यात येणार असल्याचं म्हटलं जात होतं. त्यामुळे ‘महिला मंडल’ हा चित्रपट मंगळयान मोहिमेवरच आधारित असल्याची शक्यता वर्तवण्यात येत आहे. या चित्रपटाच्या निमित्ताने तब्बल ११ वर्षांनंतर अक्षय आणि विद्या स्क्रिन शेअर करणार आहेत. याआधी दोघांनी ‘हे बेबी’ या चित्रपटात एकत्र काम केलं होतं.

वाचा : ‘तुला पाहते रे’ मालिकेतील ‘सौ. निमकर’ यांना निळू फुलेंकडून मिळाली ही शिकवण

सामाजिक विषयांवरील चित्रपट, प्रेरणादायी कथा यांसाठी अक्षय कुमार सर्वोत्तम अभिनेता असल्याचं म्हटलं जातं. ‘टॉयलेट : एक प्रेम कथा’ आणि ‘पॅडमॅन’ या चित्रपटांच्या यशावरून हे सहज समजून येतं. त्यामुळे ‘महिला मंडल’सुद्धा बॉक्स ऑफीसवर यशस्वी ठरू शकेल असा अंदाज वर्तवला जात आहे. सध्या अक्षय ‘हाऊसफुल ४’ या चित्रपटांच्या शूटिंगमध्ये व्यग्र आहे. त्यानंतर ‘महिला मंडल’च्या शूटिंगला सुरुवात होणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 19, 2018 12:07 pm

Web Title: akshay kumar in r balki next film mahila mandal vidya balan nimrat kaur
Next Stories
1 ‘तुला पाहते रे’ मालिकेतील ‘सौ. निमकर’ यांना निळू फुलेंकडून मिळाली ही शिकवण
2 #MeToo : तिच्या चॅटचे स्क्रीनशॉट शेअर करत सुशांत सिंग राजपूतने फेटाळले आरोप
3 ‘तानाजी’ चित्रपटात सलमान साकारणार शिवाजी महाराजांची भूमिका?
Just Now!
X