बॉलिवूड अभिनेत्री नीना गुप्ता कायम त्यांच्या सुपरहिट चित्रपटांसाठी आणि फॅशनसेन्ससाठी चर्चेत असतात. सोशल मीडियावर मोठ्या प्रमाणावर सक्रीय असलेल्या नीना गुप्ता अनेक वेळा इन्स्टाग्रामवर त्यांचे फोटो शेअर करत असतात. त्यातच त्यांनी 'डॅडी' या चित्रपटातील एक जुना फोटो शेअर केला आहे. विशेष म्हणजे या फोटोमध्ये त्या प्रचंड वेगळ्या दिसत असून त्यांना ओळखणंही कठीण आहे. १९८९ साली प्रदर्शित झालेला 'डॅडी' हा चित्रपट त्याकाळी प्रचंड गाजला होता. या चित्रपटामध्ये पूजा भट, अनुपम खेर, सोनी राजदान, नीना गुप्ता,सुहास जोशी, सतीश कौशिक हे कलाकार झळकले होते. या चित्रपटाला ३० वर्ष पूर्ण झाली असून नीना गुप्ता यांनी या चित्रपटाच्या संपूर्ण टीमचा एक जुना फोटो शेअर केला आहे. View this post on Instagram Yaadein. Film daddy A post shared by Neena Gupta (@neena_gupta) on Oct 20, 2019 at 1:09am PDT वाचा : Photo : शेवंताच्या लहानपणीचे क्यूट फोटो पाहिलेत का ? दरम्यान, त्यांनी शेअर केलेल्या फोटोमध्ये प्रत्येक कलाकार वेगळ्या रुपात दिसत असून नीना गुप्ता या प्रचंड वेगळ्या दिसत आहेत. विशेष म्हणजे त्यांना ओळखणंही कठीण असल्याचं समजून येतं. हा फोटो शेअर करत नीना यांनी 'यादे' असं कॅप्शन त्याला दिलं आहे.