28 September 2020

News Flash

भोजपुरी अभिनेत्री अनुपमा पाठकची गळफास घेऊन आत्महत्या

आत्महत्येपूर्वी अनुपमाने केलं होतं फेसबुक लाइव्ह

या वर्षामध्ये कलाविश्वात अनेक घडामोडी घडत असल्याचं पाहायला मिळत आहे. सुशांत सिंह राजपूतच्या मृत्यूप्रकरणानंतर कलाविश्वातील अन्य काही सेलिब्रिटींच्या आत्महत्येचीही प्रकरणं समोर येत आहेत. यामध्येच भोजपुरी अभिनेत्री अनुपमा पाठक हिनेदेखील आत्महत्या केल्याची माहिती समोर आली आहे. अनुपमा पाठक हिने गळफास घेऊन आत्महत्या केली आहे.

अनुपमाने आत्महत्या करण्यापूर्वी लिहिलेल्या एका पत्रात आत्महत्या करण्यामागील दोन कारणं सांगितली आहेत. तसंच आत्महत्येपूर्वी तिने एक फेसबुक लाइव्ह करत चाहत्यांशी संवाददेखील साधला होता. यावेळी तिने तिच्या भावना व्यक्त केल्या होत्या.

“एखाद्याने आत्महत्या केल्यानंतर त्याच्या जवळचे लोक, मित्र परिवार म्हणतात, की आम्हाला आधी का सांगितलं नाही, आम्ही मदत केली असती. परंतु, या फक्त बोलण्याच्या गोष्टी आहेत. प्रत्यक्षात कोणीच मदत करत नाही. काही जण उगाच आत्महत्या करत नाहीत. त्यामागे काही कारणं असतात. मी फार जवळून अनुभव घेतलाय लोक तुमच्या बोलण्याचा कधीच सरळ विचार करत नाहीत. ते कायम चुकीचा अर्थ काढतात. जर तुम्ही कोणाला सांगितलं की मी आत्महत्या करणार आहे., तर काही जणांची पहिली प्रतिक्रिया असते.. हे आम्हाला नको सांगू उगाच आमचं नाव या प्रकरणात येईल. त्यामुळे कोणावर विश्वास ठेवू नका. सगळे खोटारडे आणि स्वार्थी असतात. कोणीच कोणाच्या मदतीसाठी येत नाही”, असं अनुपमाने फेसबुक लाइव्हमध्ये म्हटलं होतं. दरम्यान, अनुपमा भोजपुरी कलाविश्वातील लोकप्रिय अभिनेत्री होती. तिने दहिसर येथे राहत्या घरी आत्महत्या केल्यामुळे अनेकांना धक्का बसला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 7, 2020 9:38 am

Web Title: bhojpuri bhojpuri film and tv actress anupama pathak commit suicide ssj 93
Next Stories
1 चीनला मोठा झटका; टिकटॉकवर बंदी घालणाऱ्या आदेशावर ट्रम्प यांची स्वाक्षरी
2 मशिदीच्या कार्यक्रमासाठी जाणार का?; योगी आदित्यनाथ म्हणतात…
3 “काही विघ्नसंतोषी राजकारण्यांच्या पोटदुखीस अंत नाही”; शिवसेनेचा ओवेसींवर निशाणा
Just Now!
X