News Flash

आमिरने ‘ती’ रेस जिंकल्याच्या घटनेला आज २५ वर्षे पूर्ण

यहां के हम सिकंदर....

जो जीता वही सिकंदर

परफेक्शनिस्ट आमिर खानच्या चित्रपट कारकिर्दीत बरेच चित्रपट मैलाचा दगड ठरले. त्यातीलच काही चित्रपटांनी आमिरच्या कारकिर्दीला कलाटणीसुद्धा दिली. असाच एक चित्रपट म्हणजे ‘जो जीता वही सिकंदर’. मन्सूर खान दिग्दर्शित ‘जो जीता वही सिकंदर’ या चित्रपटाने अनेकांचीच मनं जिंकली. तरुणाईच्या जवळ जाणाऱ्या कथानकामुळे ‘जो जीता…’ खऱ्या अर्थाने एव्हरग्रीन चित्रपट ठरला, असं म्हणायला हरकत नाही. अशा या अफलातून चित्रपटाला आज २५ वर्षे पूर्ण झाली आहेत. त्याच निमित्ताने फराह खानने ट्विट करत दिग्दर्शक मन्सूर खान यांचे आभार मानले आहेत.

‘मन्सूर खान मी तुमची खरंच खूप आभारी आहे. या इंडस्ट्रीत मला संधी दिल्याबद्दल मी तुमची अभारी आहे…’ असं म्हणत फराहने त्यांचे आभार मानले. जो जीता वही सिकंदरमध्ये फराहने चित्रपटाचं नृत्यदिग्दर्शन केलं होतं. तेव्हापासूनच फराहच्या या इंडस्ट्रीतील प्रवासाला सुरुवात झाली. सध्याच्या घडीला ती बॉलिवूडमधील एक आघाडीची नृत्यदिग्दर्शिका आहे. त्यासोबतच तिने चित्रपट दिग्दर्शनामध्येही काही प्रयोग करत ‘मै हु ना’, ‘हॅप्पी न्यू इयर’ या चित्रपटांचं दिग्दर्शन केलं होतं.

‘जो जीता…’च्या दृष्टीने महत्त्वाच्या अशा आजच्या दिवशी चाहत्यांनाही या चित्रपटाचं यश त्यांच्या परीने साजरा केलं आहे. १९९२ मध्ये प्रदर्शित झालेल्या या ब्लॉकबस्टर चित्रपटात आमिर खान, आएशा झुल्का, मामिक सिंह, दीपक तिजोरी आणि कुलभूषण खरबंदा अशा कलाकारांची फौज पाहायला मिळाली होती. नव्वदच्या दशकात तरुणाईला वेड लावणाऱ्या या चित्रपटाने रसिकांच्या मनात कायमचं घर केलं. आजही हा चित्रपट अनेकांच्या फेव्हरिट लिस्टचा भाग आहे.

वाचा: अमिताभ-आमिरमध्ये रंगलेल्या चर्चेचा विषय तरी काय?

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 22, 2017 5:29 pm

Web Title: bollywood movie jo jeeta wahi sikandar completes 25 years in the industry farah khan celebrates her silver anniversary
Next Stories
1 … अशा प्रकारे सैन्यदलातील अधिकाऱ्यांनी दिला ‘सचिन अ बिलियन ड्रीम्स’चा रिव्ह्यू
2 प्रसार भारतीच्या कार्यकारी मंडळातून काजोलची उचलबांगडी?
3 गेल्या दोन वर्षांपासून भारतातील खेडेगावांना मदत करतीये ही ग्लोबल सेलिब्रिटी
Just Now!
X