News Flash

‘गुरूदत्त’ पुस्तकाचे सोमवारी प्रकाशन

रुपेरी पडद्यावरचा कवी अशी ओळख बनलेल्या गुरू दत्त यांच्या चित्रपटांची गणना ‘ऑल टाइम क्लासिक’ चित्रपटांमध्ये करण्यात आली. त्यांच्या चित्रपटांची मोहिनी आजही रसिकांना अस्वस्थ करते.

| October 12, 2014 06:13 am

रुपेरी पडद्यावरचा कवी अशी ओळख बनलेल्या गुरू दत्त यांच्या चित्रपटांची गणना ‘ऑल टाइम क्लासिक’ चित्रपटांमध्ये करण्यात आली. त्यांच्या चित्रपटांची मोहिनी आजही रसिकांना अस्वस्थ करते. गुरू दत्त यांच्या निधनाला १० ऑक्टोबर २०१४ रोजी पन्नास वर्षे पूर्ण झाली. त्यांच्या पन्नासाव्या स्मृतिदिनानिमित्त ‘गुरू दत्त’ याच नावाचे पुस्तक तयार करण्यात आले असून त्याचे प्रकाशन सोमवार, १३ ऑक्टोबर रोजी सुप्रसिद्ध दिग्दर्शक आणि गुरूदत्त यांचे जवळचे नातेवाईक असलेले श्याम बेनेगल यांच्या हस्ते केले जाणार आहे.
प्रभात चित्र मंडळ आणि ग्रंथाली यांच्या संयुक्त विद्यमाने आयोजित पुस्तक प्रकाशनाचा हा कार्यक्रम नरिमन पॉइण्ट येथील यशवंतराव चव्हाण प्रतिष्ठानमधील रंगस्वर सभागृहात सोमवार, १३ ऑक्टोबर रोजी सायंकाळी ६.३० वाजता होणार आहे. या पुस्तकाचे संपादन सुधीर नांदगावकर यांनी केले असून अनेक मान्यवरांनी गुरू दत्त यांच्या चित्रपटांमधील विविध पैलूंवर लिहिलेले लेख या पुस्तकात समाविष्ट करण्यात आले आहेत. प्रकाशन कार्यक्रमानंतर गुरू दत्त दिग्दर्शित ‘कागज के फूल’ हा चित्रपट दाखविण्यात येणार आहे.
 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 12, 2014 6:13 am

Web Title: book on guru dutt to be published on monday
टॅग : Bollywood
Next Stories
1 अमिताभ यांच्या वाढदिवसासाठी बच्चन कुटुंबियांचा खास बेत
2 महानायकाला वाढदिवसानिमित्त शुभेच्छा…
3 गुगल ‘डुडल’वर आर. के. नारायण!
Just Now!
X