गेल्या काही दिवसांपासून बॉलिवूड पासून लांब असलेली अभिनेत्री म्हणजे रविना टंडन. रविना बॉलिवूडपासून लांब असली तरी सोशल मीडियावर सक्रिय असल्याचे पाहायला मिळते. काही दिवसांपूर्वी तिने सोशल मीडियावर एका पठाणाचा व्हिडीओ शेअर केला होता. तर आता तिने टॉयलेट पेपरची कमतरता भासत असल्याने ट्विट केले आहे.

रविनाने सध्या जगभरात करोना व्हायरसमुळे उद्भवलेल्या परिस्थितीबद्दल वक्तव्य केले आहे. ‘शेवटी. यातून स्वच्छतेचा चांगला धडा मिळातो आहे’ असे तिने ट्विटमध्ये म्हटले आहे. तसेच तिने ट्विटमध्ये पुढे जुन्या काळात वापरण्यात येणाऱ्या लोट्याची आठवण करुन दिली आहे.

काही दिवसांपूर्वी रविनाने पाकिस्तानी पठाण चीनवर चिडला असल्याची बातमी केली होती. या व्हिडीओ सोशल मीडियावर तुफान व्हायरल झाला होता. हा व्हिडीओ शेअर करत रवीनाने ‘पठाणाचे बोलणे खरे होते’ असे कॅप्शन केले दिले आहे. लवकरच रवीना ‘केजीएफ चॅप्टर २’ मध्ये दिसणार आहे. प्रशांत नील हे या चित्रपटाची निर्मिती करत आहेत.