सध्या सोशल मीडियावर एका तरुणीचा व्हिडीओ व्हायरल झाला आहे. या व्हिडीओमधील तरुणी ही हुबेहुब बॉलिवूड अभिनेत्री करिश्मा कपूरसारखी दिसत असल्यामुळे चर्चेत आहे. पण करिश्मा सारखी दिसणारी ही मुलगी आहे तरी कोण असा प्रश्न अनेकांना पडला आहे. सध्या तिचे व्हिडीओ आणि फोटो चर्चेत आहेत. करिश्मा कपूर सारखी दिसणाऱ्या मुलीचे नाव हिना खान आहे. ती एक टिकटॉक स्टार असून पाकिस्तानमध्ये राहते. तिचे इन्स्टाग्रामवर लाखो चाहते आहेत. ती सतत करिश्मा कपूरच्या गाण्यांवर व्हिडीओ तयार करुन शेअर करताना दिसते. View this post on Instagram A post shared by Heenaakh1 (@heenaakh1) हिनाचे हे व्हिडीओपाहून अनेक चाहत्यांनी व्हिडीओवर कमेंट आणि लाइक्सचा वर्षाव केला आहे. एका चाहत्याने तर ‘कुद्रत का करिश्मा’ असे म्हटले आहे. तर दुसऱ्या एका चाहत्याने तिचा हा व्हिडीओ करिश्माला टॅग करत ‘ही तर सेम तुझ्यासारखी दिसते… कार्बन कॉपी’ असे म्हटले आहे. तसेच एका चाहत्याने, ‘पाहून मला धक्काच बसला.. करिश्मा ही तर तुझी खरी बहिण वाटते’ असे म्हटले आहे. आतापर्यंत आपण ऐश्वर्या राय बच्चन, अमिताभ बच्चन, अक्षय कुमार यांच्या सारखे दिसणारे व्यक्ती पाहिले होते. आता करिश्मा सारखी दिसणारी तरुणीही समोर आली असून चर्चेत आहे.
