हृतिकसोबत असलेल्या या मुलाला ओळखलंत का?; आता आहे सर्वांत लोकप्रिय अभिनेता

तर फोटोतील हा मुलगा आहे अभिनेता विकी कौशल. हृतिकप्रमाणेच विकीचीसुद्धा आता तरुणाईमध्ये फार क्रेझ आहे. ‘कहो ना प्यार है’ तेव्हा नुकताच प्रदर्शित झाला होता आणि हृतिकची देशभरात भरपूर क्रेझ होती. ‘ड्रॉव्हर साफ करताना मला हा फोटो सापडला. मी हृतिकच्या ‘फिजा’ चित्रपटाच्या सेटवर गेलो होतो तेव्हाचा हा फोटो आहे. त्यावेळी ‘कहो ना प्यार है’ हा चित्रपट नुकताच प्रदर्शित झाला होता आणि मीसुद्धा त्याच्या असंख्य चाहत्यांपैकीच एक होतो. त्यावेळी मला सांगण्यात आलं होतं की, हृतिक त्यांनाच भेटतो ज्यांना ‘इक पल का जीना’ या गाण्यावर नाचता येतं. मीसुद्धा त्या व्यक्तीच्या सांगण्यावर विश्वास ठेवून तीन दिवस या गाण्यावर नाचण्याची प्रॅक्टीस केली होती. पण, ज्यावेळी मी हृतिकला भेटलो, तेव्हाचा तो क्षण मी शब्दातही मांडू शकत नाही. जवळपास तासभर मी हृतिककडे नुसता बघतच होतो. कारण कदाचित माझ्यासाठी तो केवळ पुरुष नाही तर महापुरुष आहे’, असं भलंमोठं कॅप्शन लिहित विकीने हा फोटो त्याच्या इन्स्टाग्रामवर पोस्ट केला होता.

View this post on Instagram

A post shared by Vicky Kaushal (@vickykaushal09)