News Flash

‘सुजाता’ चित्रपटात मेकअपशिवाय अभिनयाबाबत हुमा होती साशंक

'गॅंग ऑफ वासेपूर' फेम गर्ल हुमा कुरेशी 'सुजाता' लघुपटात मेकअपशिवाय व्यक्तिरेखा साकारताना सुरुवातीला काहीशी साशंक होती.

| July 8, 2013 11:39 am

‘गॅंग ऑफ वासेपूर’ फेम गर्ल हुमा कुरेशी ‘सुजाता’ लघुपटात मेकअपशिवाय व्यक्तिरेखा साकारताना सुरुवातीला काहीशी साशंक होती. ‘सुजाता’ हा लघुपट अनुराग कश्यपच्या ‘शॉर्टस्’ या लघुपटांच्या मालिकेतील एक असून, श्लोक शर्माने याचे दिग्दर्शन केले. कथानकाच्या गरजेनुसार हुमाने ही व्यक्तिरेखा मेकअपशिवाय सादर करणे आवश्यक होते. सुरवातीला साशंक असलेल्या हुमाने शेवटी मेकअपशिवाय भूमिका करण्याचा निर्णय घेतला. आपण मेकअपशिवाय पडद्यावर केसे दिसू, हे जाणून घ्यायची आता तिला उत्सुकता लागली आहे. दहा मिनिटाच्या या लघुपटाची कथा एन्नी जैदी यांनी लिहिली आहे. लहानपणी आपल्यावर अत्याचार करणा-यांविरोधात उभी राहणा-या तरूणीची ही कथा आहे. लॉस एंजिलिसमधील दहाव्या भारतीय चित्रपट महोत्सवात या लघुपटाच्या प्रदर्शनाला चांगला प्रतिसाद मिळाला. हा चित्रपट १२ जुलैला प्रदर्शित होत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 8, 2013 11:39 am

Web Title: huma qureshi was apprehensive to go de glam for sujata
Next Stories
1 ‘साजन’ चित्रपटाचे निर्माता सुधाकर बोकाडे यांचे निधन
2 हृतिकच्या मेंदूवरील शस्त्रक्रियेनंतर गौरी खान, करण जोहरने रुग्णालयात दिली भेट
3 मीशा शफीचे ‘भाग मिल्खा भाग’द्वारे बॉलिवूड पदार्पण
Just Now!
X