बॉलिवूड फोटोग्राफर डब्बू रत्नानीच्या सेलिब्रिटी कॅलेंडरचं अलिकडेच प्रकाशन झालं. या कार्यक्रमामध्ये अभिनेता कबीर बेदी यांनी सनी लिओनीचा फोन नंबर मागितल्याचं सांगण्यात येत आहे. इतकंच नाही तर याविषयी कलाविश्वात आणि चाहत्यांमध्ये चर्चाही रंगल्याचं पाहायला मिळालं. मात्र याप्रकरणी कबीर बेदी नाराज असून त्यांनी ट्विटरच्या माध्यमातून नाराजी व्यक्त करत खरी घटना सांगितली आहे. कबीर बेदी यांनी सनीचा नंबर मागितल्यानंतर तिने तिच्या पतीचा डॅनिअल वेबरचा नंबर दिल्याची चर्चा सर्वत्र रंगत आहे. "मी सनी लिओनीचा नंबर मागितला ही चुकीची माहिती आहे. तसंच हे अत्यंत अपमानास्पद आहे. डब्बू रत्नानीच्या पार्टीमध्ये मी सनीचा नव्हे तर तिच्या पतीचा डॅनिअल वेबरचा नंबर मागितला होता आणि तिने तो दिलादेखील. आता माझ्याकडे डॅनिअलचा नंबर आहे. मात्र माझ्याविषयी जी माहिती समोर येते ती अत्यंत अपमानास्पद आहे", असं ट्विट कबीर बेदी यांनी केलं आहे. REPORTS that I asked #SunnyLeone for her number are not true. The insinuation is defamatory. At Daboo Ratnani’s party I asked her husband @DanielWeber99 for HIS number and HE entered it into my phone. Publications carrying this shameful @Spotboye report must remove it and clarify — KABIR BEDI (@iKabirBedi) February 21, 2020 सोबतच मनोरंजनविश्वाशी निगडीत ज्या संकेतस्थळाने ही चुकीची माहिती दिली. त्या संकेतस्थळावरुन ती बातमी काढून टाकण्याची आणि याविषयी स्पष्टीकरण देण्याचंही कबीर बेदीने ट्विटमध्ये म्हटलं आहे. पाहा : संपत्तीमध्येही सलमान आहे ‘दबंग’; जाणून घ्या कुठे काय आहे प्रॉपर्टी दरम्यान, डब्बू रत्नानीच्या कॅलेंडर प्रकाशनावेळी कलाविश्वातील अनेक कलाकारांनी हजेरी लावली होती. डब्बू रत्नानीच्या या वर्षीच्या कॅलेंडरमध्ये अनेक लोकप्रिय कलाकारांच्या फोटोचा समावेश करण्यात आला आहे. यामध्ये कियारा आडवाणी, विद्या बालन, शाहरुख खान या कलाकारांच्या फोटोचा समावेश आहे.