News Flash

अभिनेता कमल हसन रुग्णालयात दाखल

कमल हसन यांच्या पायाला काहीशी दुखापत

चेन्नई: ‘सदमा’, ‘चाची ४२०’, ‘दशावतार’ यांसारख्या चित्रपटांतून दर्जेदार अभिनयाने रसिकांच्या मनावर छाप पाडणाऱ्या अभिनेता कमल हसनला रुग्णालयात दाखल करण्यात आले आहे. कार्यालयाच्या पायऱ्या उतरताना पाय घसरुन पडल्यामुळे कमल हसन यांच्या पायाला काहीशी दुखापत झाली असल्यामुळे त्यांना रुग्णालयात दाखल करण्यात आले आहे. ‘बुधवारी रात्री कार्यालयाच्या पायऱ्यांवरुन जात असताना अचानक कमस हसन यांचा तोल गेला आणि ते खाली पडले ज्यामुळे त्यांच्या पायाला किरकेळ दुखापत झाली आहे. त्यांना सध्या ‘अपोलो’ रुग्णालयात दाखल करण्यात आले आहे, त्यांची प्रकृती उत्तम असून काळजी करण्याचे काहीच कारण नाही’, अशी माहीती हसन यांच्या निकटवर्तीयांनी सुत्रांना दिली आहे.
कमल हसन सध्या ‘शाबाश नायडू’ या चित्रपटाच्या कामात व्यस्त असून हा चित्रपट तीन भाषांमध्ये बनणार आहे. सध्या रुग्णालयात असलेले कमल हसन यांचा या आठवड्याअखेरीस ‘लंडन इंडियन फिल्म फेस्टिवल’ला जाण्याचा बेत होता, जिथे त्यांना जीवनगौरव पुरस्काराने गौरविण्यात येणार होते. पण या दुखापतीमुळे या कार्यक्रमाला त्यांना हजेरी लावता येणार नाही असेच दिसत आहे. या दुखापतीतून सावरल्यानंतर कमल हसन स्वत:च दिग्दर्शन करणाऱ्या ‘शाबाश नायडू’ या चित्रपटाच्या कामात पुन्हा रुजू होणार आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 14, 2016 9:53 am

Web Title: kamal haasan hospitalised
Next Stories
1 टायगर साकारणार ‘मुन्ना मायकल’
2 वरुणच्या सांगण्यावरुन ठेवले ‘जानेमन आ…’ मधले चुंबनदृश्य
3 ‘क्वाटिंको- 2’ साठी प्रियांका सज्ज
Just Now!
X