अभिनेत्री लारा दत्ता हिने बॉलीवूडमधील 'सिरीयल किसर' इमरान हाश्मीचे ऑनस्क्रीन चुंबन घेण्याची इच्छा व्यक्त केली आहे. बॉलीवूडमधील कारकीर्दीच्या सुरूवातीपासूनच इमरान हाश्मीची 'सिरीयल किसर' म्हणून तयार झालेली प्रतिमा आजही कायम आहे. त्यामुळे अनेक अभिनेत्रींना त्याच्यासोबत ऑनस्क्रीन रोमान्स करण्याची इच्छा असते. आता यामध्ये लारा दत्ताचीही भर पडली आहे. आगामी 'अझर' या चित्रपटातही इमरान नर्गीस फाखरी आणि प्राची देसाई यांच्याबरोबर इमरानने उत्कट चुंबनदृश्ये दिली आहेत. या चित्रपटात लारा दत्ता वकिलाची भूमिका करत असून तिने इमरानसोबतच्या चुंबनदृश्याला होकारही दिला होता. सूत्रांच्या माहितीनुसार, या चित्रपटात लारा इमरानसोबत चुंबनदृश्य देण्यासाठी तयार होती. मात्र, कथानकाची तशी गरज नसल्यामुळे लाराची ही इच्छा अपूर्ण राहिली. भारतीय संघाचा माजी कर्णधार आणि क्रिकेटपटू अझरुद्दीनच्या जीवनावर आधारित 'अझर' १३ मे रोजी प्रदर्शित होत आहे. चित्रपटात इमरान हाश्मी अझरउद्दीनच्या मुख्य भूमिकेत, तर प्राची देसाई अझरची बायको नौरीनच्या भूमिकेत दिसेल. नर्गिस फाखरी संगिता बिजलानीची व्यक्तिरेखा साकारताना दिसेल.
