आपल्या सौंदर्यासाठी प्रसिद्ध असलेली बॉलीवूड अभिनेत्री ऐश्वर्या राय बच्चन तिच्या आगामी चित्रपटात वयस्कर महिलेच्या भूमिकेत दिसणार आहे. ‘जझ्बा’ चित्रपटाने चित्रपटसृष्टीत पुनर्पदार्पण केल्यानंतर ऐश्वर्या आता सरबजीत सिंगवरील आत्मचरित्रपटात झळकणार आहे. या चित्रपटाचे दिग्दर्शन ओमंग कुमार करत आहे.
सरबजीत सिंग फॅनक्लबच्या ट्विटर अकाउन्टवर ऐश्वर्याची सेटवरील काही छायाचित्रे टाकण्यात आली आहे. यात तिने पंजाबी ड्रेस परिधान केलेला दिसत असून मोकळे आणि हलकेसे पांढरे केसही यात दिसतात. ही छायाचित्रे पाहता ऐश्वर्याने खास भूमिकेकरिता वजन वाढविल्याचे दिसते. सरबजीत या चित्रपटात रणदीप हुड्डा मुख्य भूमिका साकारणार आहे. तर ऐश्वर्या त्याच्या बहिणीची म्हणजेच दलबीर कौरची भूमिका साकारत आहे.