काही दिवसांपूर्वी सलमान खानचा 'दबंग ३' हा चित्रपट प्रेक्षकांच्या भेटीला आला. या चित्रपटातून अभिनेते, निर्माते आणि दिग्दर्शक महेश मांजरेकर यांची मुलगी सई मांजरेकर हिने बॉलिवूडमध्ये पदार्पण केले. या चित्रपटाने बॉक्स ऑफिसवर चांगली कमाई केली असून सलमान आणि सईची केमिस्ट्री चाहत्यांचना प्रचंड आवडली. पण आता महेश मांजरेकरांनी एका मुलाखमतीमध्ये सईच्या भूमिकेबाबत एक खुलासा केला आहे. महेश मांजरेकर यांनी नुकताच 'अमर उजाला'ला मुलाखत दिली. दरम्यान त्यांना सईच्या बॉलिवूडमधील पदार्पणाबाबत काही प्रश्न विचारण्यात आले. त्यावर त्यांनी दिलेले उत्तर ऐकून सर्वजण आश्चर्यचकित झाले आहेत. 'हा निर्णय माझा किंवा माझ्या मुलीचा नसून सलमानचा होता. मी त्याला कोणत्याच गोष्टीसाठी नकार देऊ शकत नाही. कारण आम्ही दोघेही एकमेकांचा आदर करतो आणि तो जे काही मागेल ते मी त्याला देईन' असे महेश मांजरेकर म्हणाले. View this post on Instagram feeling like a bride this valentines A post shared by Saiee M Manjrekar (@saieemmanjrekar) on Feb 14, 2020 at 2:04am PST एक माणूस म्हणून मी सलमानला १०० पैकी १२० देईन. पण एक अभिनेता म्हणून मी त्याला १०० पैकी ७० देईन. मला त्याचा चित्रपट समजत नाही. याचा अर्थ त्याचे चित्रपट मला आवडत नाहीत असे नाही. फक्त ते मला झेपत नाहीत असे देखील महेश पुढे म्हणाले आहेत.