ड्रग्स प्रकरण: लवकरच सारा अली खानला पाठवले जाऊ शकते समन्स

सारा, रकुल आणि सिमोन या तिघांना हजर होण्यासाठी अजून समन्स बजावलेले नाही असे एनसीबीच्या सूत्रांनी स्पष्ट केले. इंडिया टुडेने हे वृत्त दिले आहे. सारा, रकुल आणि सिमोन या तिघांचीही  चौकशी होऊ शकते. “अजूनपर्यंत समन्स बजावलेले नाही. पण पुढच्या काही दिवसात समन्स पाठवले जाऊ शकते” असे एनसीबीच्या उपसंचालकांनी सांगितले.

आणखी वाचा- रिया ड्रग्ज प्रकरण : सारा, रकुलसोबत बॉलिवूडमधील आणखी दोन प्रसिद्ध नावं चर्चेत

सुशांतसोबत त्याच्या स्टाफमधील दीपेश सावंत, सॅम्युल मिरांडा, शोविक चक्रवर्ती आणि एनसीबीच्या अटकेत असलेला ड्रग पेडलर अनेक वेळा या फार्म हाऊसवर आले होते. रियाने तिच्या जबानीत सारा, सिमॉन आणि रकुलचे नाव घेतले आहे. त्या आधारावर तपास पुढे जाईल असे एनसीबीकडून सांगण्यात आले. पवना डॅम जवळच्या फार्म हाऊसवर झालेल्या पार्टीमध्ये सहभागी झालेल्या अन्य लोकांवरही एनसीबी लक्ष ठेवून आहे.