बॉलिवूड अभिनेता रितेश देशमुख याचा सोशल मीडियावर चांगलाच वावर आहे. त्यामुळे अनेकदा रितेश त्याच्या जीवनातील किंवा त्याला आवडलेल्या गोष्टी इन्स्टाग्राम, फेसबुक किंवा ट्विटर या सारख्या सोशल मीडियावर शेअर करत असतो. यामध्येच त्याने केदारनाथ मंदिराचा एक सुंदर व्हिडीओ शेअर केला आहे. हा व्हिडीओ पाहून नेटकरी अचंबित झाले असून मंदिराचा हा नयनरम्य देखावा प्रत्येकाच्या पसंतीत उतरत आहे. रितेशने शेअर केलेल्या व्हिडीओमध्ये केदारनाथ मंदिर आणि आजूबाजुचा परिसर दिसत आहे. विशेष म्हणजे हा परिसर अत्यंत सुंदर असून तो अनेकांचं लक्ष वेधून घेत आहे. मंदिराकडे जात असताना शांत आणि मन प्रसन्न करणाऱ्या आवाजात आरतीचा आवाज घुमत आहे. Kedarnath Temple!! Breathtakingly beautiful. #omnamahshivay pic.twitter.com/sOv846zk9I — Riteish Deshmukh (@Riteishd) October 22, 2020 'केदारनाथ मंदिर, अत्यंत सुंदर. ओम नम:शिवाय', असं कॅप्शन रितेशने या व्हिडीओला दिलं आहे. आता पर्यंत हा व्हिडीओ जवळपास ५ लाख लोकांनी पाहिला आहे. दरम्यान, रितेश कायमच सोशल मीडियावर सक्रीय असतो. अनेकदा तो त्याच्या पत्नीसोबत आणि मुलांसोबतचे फोटो शेअर करत असतो. मात्र, यावेळी केदारनाथ मंदिराचा फोटो शेअर करुन त्याने अनेकांचं लक्ष वेधल आहे.