News Flash

पैसे नाही तर सचिन पिळगावकरांना ‘शोले’साठी मिळालं होतं हे गिफ्ट

शोलेमध्ये सचिन यांनी अहमदची भूमिका साकारली आहे.

आपल्या अभिनयाने मराठीसह हिंदी चित्रपटसृष्टीवर एक वेगळी छाप उमटवणारे अभिनेते, दिग्दर्शक आणि सूत्रसंचालक म्हणजे सचिन पिळगावकर. आज १७ ऑगस्ट रोजी सचिन पिळगावकर यांचा वाढदिवस आहे. सचिन यांचा जन्म १९५७ रोजी मुंबई येथे झाला. सचिन यांनी आत्ता पर्यंत शंभरहून अधिक चित्रपटांमध्ये आणि काही टीव्ही मालिकांमध्ये काम केले आहे. वयाच्या चौथ्या वर्षी त्यांनी ‘हा माझा मार्ग एकला’ या चित्रपटात बालकलाकार म्हणून काम करत अभिनयाच्या दुनियेत पदार्पण केले. त्यानंतर सचिन यांना मराठी चित्रपटसृष्टीत सर्वोत्कृष्ट बालकलाकार पुरस्कार देण्यात आला होता.

सचिन यांनी वयाच्या दहाव्या वर्षी रविंद्र नाथ टागोर यांच्या नाटकावर आधारित ‘डाकघर’ या हिंदी चित्रपटात काम केले. त्यानंतर १९८२मध्ये सचिन यांनी ‘नदिया के पार’ या चित्रपटात काम केले. या चित्रपटातून सचिन खऱ्या अर्थाने प्रकाश झोतात आले. त्यानंतर सचिन यांनी बऱ्याच चित्रपटांमध्ये मूख्य भूमिका साकारली. बॉलिवूडमधील सर्वात लोकप्रिय चित्रपट ‘शोले’मध्येदेखील सचिन यांनी काम केले. त्यामध्ये त्यांनी अहमदची भूमिका साकारली. या चित्रपटातील भूमिकेसाठी त्यांना मानधना ऐवजी फ्रिज देण्यात आला होता.

चित्रपटांमध्ये काम करण्यासोबतच सचिन यांनी टीव्ही मालिकांमध्ये ही काम केले. २००६मध्ये दूरदर्शनवर प्रदर्शित झालेली मालिका ‘तू तोता मैं मैना’मध्ये काम केले. ही मालिका त्यावेळी सर्वात लोकप्रिय ठरली होती. ‘मायबाप’ या वडिल निर्मित चित्रपटातून सचिन यांनी दिग्दर्शनाच्या दुनियेत पदार्पण केले. सचिन यांनी त्यांच्या संपूर्ण करिअरमध्ये २०हून अधिक चित्रपटांचे दिग्दर्शन केले. त्यांनी बॉलिवूडमधील राजेश खान्नांपासून अमिताभ बच्चन यांच्यासह काम केले आहे. ‘बेस्ट चाइल्ट आर्टिस्ट’ म्हणून सचिन यांना राष्ट्रीय पुरस्कार मिळाला होता. त्यानंतर हिंदी चित्रपटसृष्टीमध्ये आणि मराठी चित्रपटसृष्टीमध्ये सचिन यांना अनेक पुरस्कारांनी गौरवण्यात आले.

‘नवरी मिळे नवऱ्या’ला या मराठी चित्रपटाच्या सेटवर सचिन यांची ओळख सुप्रिया पिळगावसह झाली. त्यानंतर दोघांनी लग्न बंधनात अडकण्याचा निर्णय घेतला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 17, 2019 1:13 pm

Web Title: sachin pilgaonkar birthday special unknown facts of sachin pilgaonkar life avb 95
Next Stories
1 जगभरात गाजलेल्या पनामा पेपर लिक प्रकरणावर येणार ‘नेटफ्लिक्स’वर सिनेमा
2 बॉलिवूडचा ‘हा’ अभिनेता ठरला जगातील सर्वात हॅन्डसम मॅन
3 १६ ऑगस्ट रोजी स्वातंत्र्य दिनाच्या शुभेच्छा दिल्याने परिणीती झाली ट्रोल