03 March 2021

News Flash

सलमान खानने रोवली मराठी चित्रपटाची मुहूर्तमेढ

हा चित्रपट माणूसकीवर आधारित असून आयुष्यातील महत्त्वशील पैलूवर भाष्य करतो

सलमान खान

‘बोनस’… सगळ्यांच्याच आवडीचा विषय आहे. बॉलिवूडचा टायगर सलमान खानने लायन क्राऊन एंटरटेनमेंट निर्मित ‘बोनस’ या चित्रपटाचा नुकताच मुहूर्त संपन्न केला. यावेळी त्याच्यासोबत लायन क्राऊन एंटरटेनमेंटचे गोविंद उभे, रतिश पाटील, संदेश पाटील आणि एम नितीन उपस्थित होते.

वाचा : गंमतीत म्हणायला हवे, ‘दीपिकानेच नाक कापले हो….’

आपल्या पहिल्याच चित्रपटाच्या निमित्ताने प्रेक्षकांना बोनस देऊ करणारे लायन क्राऊन एंटरटेनमेंटचे निर्माते या चित्रपटाविषयी बोलताना म्हणाले, ‘बोनस’ हा शब्द आनंद आणि उत्साहाशी निगडीत आहे. आमच्या या चित्रपटाच्या निमित्ताने अवघा महाराष्ट्र ‘बोनस’चा आनंद आणि उत्साह साजरा करू शकेल, असा विश्वासही त्यांनी व्यक्त केला. बोनस हा चित्रपट माणूसकीवर आधारित असून आयुष्यातील महत्त्वशील पैलूवर भाष्य करतो आणि सोबतच हा चित्रपट एक मजेशीर सफरही करून देईल एवढं मात्र नक्की.

मराठी सिनेसृष्टीत बोनस हा लायन क्राऊन एंटरटेनमेंटचा पहिलाच चित्रपट असला तरी त्यांनी हिंदी चित्रपट आणि अनेक हिंदी आणि मराठी मालिकांची निर्मिती केली आहे. या चित्रपटाची कथा सौरभ भावे यांनी लिहिली असून या चित्रपटाचं छायाचित्र दिग्दर्शन संजय मेमाणे करणार आहेत. तर या चित्रपटाला संगीताचा साज रोहन -रोहन या तरूण संगीतकार जोडीने चढवला आहे. गश्मीर महाजनी आणि पूजा सावंत हे कलाकार या चित्रपटात पहिल्यांदाच एकत्र दिसणार आहेत.

वाचा : ‘पद्मावत’वर इस्लाम धर्मीयांच्या भावना दुखावल्याचा आरोप

या चित्रपटाच्या निमित्ताने लवकरच संपूर्ण महाराष्ट्राला ‘बोनस’मिळणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 30, 2018 12:29 pm

Web Title: salman khan given clap to pooja sawant gashmeer mahajani starrer bonus marathi movie
Next Stories
1 गंमतीत म्हणायला हवे, ‘दीपिकानेच नाक कापले हो….’
2 ‘पद्मावत’च्या पारड्यात पहिला पुरस्कार, रणवीरने मारली बाजी
3 ‘पद्मावत’वर इस्लाम धर्मीयांच्या भावना दुखावल्याचा आरोप
Just Now!
X