बॉलिवूडचा 'बादशहा' शाहारुख खान सध्या त्याच्या आगामी चित्रपटाच्या चित्रिकरणात व्यग्र आहे. शाहारुखचा 'झिरो' हा सिनेमा वर्षाअखेर प्रदर्शित होणार आहे. या सिनेमाचं चित्रिकरण वसईमध्ये सुरू आहे. शाहारूख रोज संध्याकाळी चित्रिकरणासाठी निघतो. पण, मुंबईच्या वाहतूक कोंडीमुळे शाहारुखचा बराच वेळ वाया जातो. त्यामुळे या समस्येवर उपाय म्हणून बादशहा हेलिकॉप्टरनं सेटवर जातो. डेक्कन क्रोनिकलच्या बातमीनुसार शाहारूख झिरोच्या सेटवर अनेकदा हेलिकॉप्टरनंच जातो. सायंकाळी सात ते सकाळी सहा असा चित्रिकरणाचा वेळ आहे. यावेळेत वाहतूक कोंडीत हमखास अडकण्याची शक्यता असते. त्यामुळे सेटवर पोहोचण्यासाठीही उशीर होतो म्हणूनच शाहारूखनं हा नवा मार्ग निवडला आहे. सध्या वसईमध्ये या चित्रपटाचा महत्त्वाचा भाग चित्रीत होत आहे. त्यामुळे शाहारुख चित्रिकरण करुन सकाळी परततो. डिसेंबर २०१८ मध्ये 'झिरो' प्रदर्शित होत आहे. शाहारुखसोबत कतरिना कैफ या चित्रपटात मुख्य भूमिकेत असणार आहे. IPLच्या उद्घाटन सोहळ्यात ‘या’ व्यक्तीच्या इशाऱ्यावर नाचणार हृतिक शेवटची दोन वर्षंच राहिली आयुष्याची- केआरकेचा धक्कादायक खुलासा
