अनेक मुंबईकरांसाठी नाश्ता, लंच, डिनर असं सगळं काही म्हणजे वडापाव. कढईतील तेलातून काढलेला खुसखुशीत गरम वडा, त्यासोबत पाव, चटणी आणि मिरची…हे चित्र डोळ्यांसमोर येताच तोंडाला पाणी सुटतं. लॉकडाउनदरम्यान सर्वकाही बंद असताना या वडापावची चव सर्वांना खूपच आठवली असेल. यात मग सेलिब्रिटीसुद्धा अपवाद नाहीत. अभिनेत्री शिल्पा शेट्टीला कर्जतहून मुंबईला परत येताना रस्त्यावर वडापावची गाडी दिसली. मग काय.. गरमागरम वडापाव खायचा मोह तिलासुद्धा आवरला नाही. तिने गाडी थांबवली आणि वडापाववर ताव मारला.

शिल्पाने तिच्या इन्स्टाग्राम अकाऊंटवर हा व्हिडीओ पोस्ट केला आहे. यामध्ये ती तिच्या गाडीत बसून वडापाव खाण्याचा आनंद लुटताना पाहायला मिळतेय. ‘चलते चलते देखा वडापाव, मन ने बोला संडे है तो खाओ खाओ खाओ.. बनता है भाऊ’, असं गमतीशीर कॅप्शन तिने या व्हिडीओला दिलं आहे.

View this post on Instagram

A post shared by Shilpa Shetty Kundra (@theshilpashetty) on

शिल्पाच्या या व्हिडीओला वीस लाखांहून अधिक व्ह्यूज मिळाले असून असंख्य नेटकऱ्यांनी कमेंट्स केल्या आहेत.