01 December 2020

News Flash

श्रीयुत गंगाधर टिपरेंची नात शलाका सध्या काय करते?

२००१ मध्ये प्रेक्षकांच्या भेटीस आलेली ही मालिका तुफान लोकप्रिय झाली आणि अजरामर ठरली.

एक आदर्श एकत्र कुटुंब नेमकं कसं असावं हे श्रीयुत गंगाधर टिपरे या मालिकेतून उत्तमरित्या मांडण्यात आलं आणि म्हणूनच २००१ मध्ये प्रेक्षकांच्या भेटीस आलेली मालिका तुफान लोकप्रिय झाली आणि अजरामर ठरली. आता ही मालिका लॉकडाउनच्या काळात पुन्हा एकदा झी मराठी वाहिनीवर १५ जूनपासून प्रेक्षकांच्या भेटीस आली आहे. या मालिकेतील प्रत्येक कलाकारांनी आपल्या अभिनयातून प्रेक्षकांची मनं जिंकली. त्यातच शलाका टिपरे ही भूमिका साकारणारी रेश्मा नाईक ही अभिनेत्री प्रेक्षकांना विशेष भावली. मालिकेतले बहुतांश कलाकार आजही मनोरंजनविश्वात सक्रिय आहेत. पण, टिपरेंची नात शलाका नेमकं काय करतेय असा प्रश्न कदाचित प्रेक्षकांना पडला असेल.

शलाका म्हणजेच अभिनेत्री रेश्मा नाईक ही मनोरंजन क्षेत्रापासून थोडी अलिप्त असल्याचं दिसून आलं. ती सध्या आपल्या कुटुंबात रमली आहे. रेश्माचे लग्न झाले असून तिला एक मुलगाही आहे. मुलाच्या संगोपनाकडे ती पूर्णपणे लक्ष देतेय. मालिकेचं झी मराठीवर फेरप्रक्षेपण होणार असं कळल्यावर रेश्मादेखील भूतकाळात रमली.

मालिकेच्या आठवणी सांगताना ती म्हणाली, की “चित्रीकरणाला जाताना मला वाटायचं की, मी एका घरातून दुसऱ्या घरी जातेय. टिपरे कुटुंबदेखील माझं दुसरं घरच होतं. जसं मी माझ्या घरी असायचे तसंच सेटवर असायचे. आई-बाबा, भाऊ आणि आजोबा असं आमचं टिपरे कुटुंब मला माझ्या खऱ्याखुऱ्या कुटुंबाप्रमाणेच भासायचं. माझा सख्खा भाऊ माझ्याहून एक वर्ष मोठा आहे. त्यामुळे मालिकेत शिऱ्या आणि मी ज्याप्रमाणे एकमेकांच्या खोड्या काढायचो; तसंच ते आमच्या घरीसुद्धा असायचं. टिपरे कुटुंबातील आजोबांप्रमाणे आमच्या घरी माझी आजी असायची, आम्हा सर्वांना सांभाळून घेणारी.”

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 17, 2020 5:13 pm

Web Title: shriyut gangadhar tipre fame actress shalaka aka reshma naik what is doing now ssv 92
Next Stories
1 “टॅलेंटेड लोकांना पाठिंबा द्यायचा असेल तर…”; बुवनचा घराणेशाहीला विरोध करणाऱ्यांना सल्ला
2 ‘तारक मेहता..’मधील या कलाकाराने फरहान अख्तरच्या आईसोबत केले आहे काम
3 ‘लाल बाजार’मध्ये होतायत खून; अजय देवगणने शेअर केला सस्पेन्सने भरलेला ट्रेलर
Just Now!
X