करोना व्हायरसपासून स्वत:ला आणि मुलांना सुरक्षित ठेवण्यासाठी अभिनेत्री सनी लिओनी मे महिन्यात लॉकडाउनदरम्यानच भारताबाहेर गेली. ‘मदर्स डे’निमित्त सोशल मीडियावर फोटो पोस्ट करत तिने लॉस एंजिलिसला गेल्याची माहिती दिली होती. लॉस एंजिलिसमध्ये सनी पती डॅनिअल व आपल्या तीन मुलांसोबत समुद्रकिनारी धमाल मजामस्ती करत आहे. त्याचे फोटो तिने नुकतेच सोशल मीडियावर पोस्ट केले आहेत. सँटा मोनिका बीचवर सनीने तिच्या कुटुंबीयांसोबत आनंदाचे क्षण घालवले आहेत. सनीने एका मुलाखतीत मुंबई सोडण्यामागचं कारण सांगितलं होतं. ‘टाइम्स ऑफ इंडिया’ला दिलेल्या मुलाखतीत ती म्हणाली होती, “मला मुंबई सोडायची नव्हती. त्यामुळे मला इथे येण्याचा निर्णय घेण्यासाठी खूप वेळ लागला. पण डॅनिअलच्या आईसाठी आणि त्याच्या कुटुंबीयांसाठी हा निर्णय घ्यावा लागला. अशा कठीण काळात कुटुंबीयांसोबत राहणं जास्त महत्त्वाचं आहे.” At the beach with my man @DanielWeber99 and our little nuggets!! pic.twitter.com/aFN0oGuHav — sunnyleone (@SunnyLeone) July 9, 2020 लॉस एंजिलिस येथील बंगल्यात सनी व तिचे कुटुंबीय सुरक्षित असल्याचं सनीने सांगितलं. त्याचसोबत आंतरराष्ट्रीय विमानसेवा सुरू होताच भारतात परतणार असल्याचं तिने स्पष्ट केलं. “मला मुंबईची फार आठवण येते. जेव्हा आंतरराष्ट्रीय विमानसेवा सुरू होतील, तेव्हा मी परत येईन. डॅनिअल आणि मुलांनाही लवकरात लवकर भारतात परतायचं आहे.