बॉलिवूड अभिनेता सुशांत सिंह राजपूत आत्महत्या प्रकरणात ड्रग्ज चॅट समोर येताच एनसीबीकडून चौकशी सुरु होती. या प्रकरणी रिया चक्रवर्तीला एनसीबीकडून अटक करण्यात आली होती. पण काल, ७ ऑक्टोबर रोजी रियाला हायकोर्टाकडून जामीन मंजूर करण्यात आला आहे. मात्र यावेळी रियाला पासपोर्ट जमा करण्याचा आदेश देण्यात आला असून पोलिसांच्या परवानगीशिवाय मुंबईबाहेर प्रवास करण्यास मनाई करण्यात आली आहे. दरम्यान अभिनेते शेखर सुमन यांनी केलेल्या ट्विटमुळे सर्वांचे लक्ष वेधून घेतले आहे. 'रियाला जामीन मिळाला आहे आणि आता ती जेलमधून बाहेर आली आहे. सीबीआय आणि एम्सच्या अहवालात कोणताही विरोधाभास नाही. मिरांडा आणि दीपेश यांना देखील जामीन मिळाला. आता कोणतीही दुसरी फॉरेन्सिक टीम तयार केली जाणार नाही. संगळं संपलं. आता घरी जाऊया?' या आशयाचे ट्विट शेखर सुमन यांनी नाराजी व्यक्त केली आहे. Rhea gets bail out of contradiction in CBI and AIIMS report.Miranda n Dipesh granted second forensic team to be formed.THE END. घर चलें? — Shekhar Suman (@shekharsuman7) October 7, 2020 यापूर्वी बॉलिवूड दिग्दर्शक अनुभव सिन्हा, स्वरा भास्कर, सोनी राजधन यांनी रियाच्या जामीनानंतर ट्विट करत आनंद व्यक्त केला होता. सुशातं सिंह राजपूत प्रकरणी तपास यंत्रणाच्या रडारवर असणाऱ्या रिया चक्रवर्तीला एनसीबीकडून अटक करण्यात आली होती. रियाची १ लाखांच्या जातमुचलक्यावर सुटका करण्यात आली आहे. रियासोबत तिचा भाऊ शोविकलाही अटक झाली होती. कोर्टाने शोविकचा जामीन अर्ज फेटाळला आहे. शोविकसोबत अब्दुल बसितचा जामीन अर्जही फेटाळण्यात आला आहे.