दिवंगत अभिनेता सुशांत सिंह राजपूतचे वडील के. के. सिंह यांना रुग्णालयातील एक फोटो सोशल मीडियावर व्हायरल होत आहे. रुग्णालयातील बेडवर के. के. सिंह आणि त्यांच्या बाजूला त्यांच्या दोन्ही मुली या फोटोत पाहायला मिळत आहेत. हृदयाशी संबंधित आजारामुळे त्यांना हरयाणामधील फरिदाबाद इथल्या रुग्णालयात दाखल केल्याची माहिती समोर येत आहे. ट्विटरवर एका युजरने हा फोटो पोस्ट केला आणि त्यानंतर सोशल मीडियावर तो व्हायरल होत आहे. सुशांतच्या अनेक फॅनपेजेसवर हा फोटो शेअर करण्यात आला आहे. सुशांतच्या मृत्यू प्रकरणाचा ताण त्यांना आणखी सहन होणार नाही, असं संबंधित व्यक्तीने या फोटोच्या कॅप्शनमध्ये लिहिलं. Sushant's father is the main complainant in the FIR registered in Patna, the document on which the CBI inquest is based. He is now having heart issues and hospitalised. The stress is taking its toll. CBI should soon declare their conclusion for the sake of this elderly gentleman. pic.twitter.com/I9dvcpcMHU — Soumyadipta (@Soumyadipta) December 19, 2020 १४ जून रोजी मुंबईतील राहत्या घरी सुशांतचा मृतदेह आढळला. सुरुवातीला आत्महत्या म्हणून नोंद झालेल्या या प्रकरणाचा तपास आता सीबीआय करत आहे. दुसरीकडे ईडी आणि एनसीबी या दोन्ही यंत्रणासुद्धा सुशांतच्या मृत्यू प्रकरणातील आर्थिक आणि ड्रग्जच्या अँगलच्या तपास करत आहेत. सुशांतचे वडील लवकरात लवकर बरे व्हावे यासाठी चाहत्यांकडून प्रार्थना करण्यात येत आहे. तर अनेकांनी सुशांतला न्याय मिळावा अशी मागणी केली आहे.