अभिनेत्री करिना कपूर खान आणि अभिनेता सैफ अली खान यांचा लाडका मुलगा तैमुर कायमच चर्चेत असतो. त्याचे फोटो आणि व्हिडीओज सोशल मीडियावर नेहमीच व्हायरल होत असतात. मात्र यावेळी तैमुर सैफ अली खानच्या एका मुलाखतीमुळे चर्चेत आहे. सैफ लाईव्ह मुलाखत देत असताना अचानक तैमुर स्क्रीन समोर येऊन उभा राहिला अन् त्याने मुलाखत घेणाऱ्या अनुपमा चोप्रा यांना थक्क करणारं उत्तर दिलं.

चित्रपट समिक्षक अनुपमा चोप्रा इन्स्टाग्रामवरुन सैफ अली खानची मुलाखत घेत होत्या. तेवढ्यात तैमुर आपल्या बाबांच्या शेजारी येऊन उभा राहिला. तैमुरचा गोंडस चेहरा पाहून अनुपमा यांनी त्याचे कौतुक केले. त्या म्हणाला, “तू किती सुंदर (gorgeous) दिसतोस.” यावर क्षणाचाही विलंब न करता “मी सुंदर दिसत नाही.” असं उत्तर तैमुरने दिलं. हे प्रतिक्रिया ऐकून सैफ अली खान देखील थक्क झाला.

तैमुरचा हा व्हिडीओ सध्या सोशल मीडियावर चर्चेत आहे. काही तासांत शेकडो नेटकऱ्यांनी यावर आपल्या प्रतिक्रिया दिल्या आहेत. काही जाणांनी तैमुरच्या या उत्तराचं कौतुक देखील केलं आहे. सैफ लवकरच ‘जवानी जानेमन’ या चित्रपटात दिसणार आहे. यात अभिनेत्री तब्बू त्याच्यासोबत स्क्रीन शेअर करणार आहे.