बॉलीवूडमधील प्रसिद्ध रॅपर हनी सिंगच्या 'झोरावर' या चित्रपटाचा ट्रेलर प्रदर्शित झाला आहे. हनी सिंगने त्याच्या रॅप गाण्यांनी स्वतःचा असा चाहता वर्ग तयार केला आहे. पण त्याच्या अभिनयाची जादू कितपत चालेल हे तर चित्रपट पाहिल्यावरच कळेल. 'झोरावर'चा ट्रेलर हा अॅक्शन, रोमान्सने भरलेला आहे. आपल्या व्यक्तिमत्वाच्या शोधात असलेल्या 'झोरावर' या जवानाची भूमिका हनी सिंगने यात साकारली आहे. हनी व्यतिरीक्त यात गुरबानी जज, पारुल गुलाटी, मुकुल देव यांच्याही प्रमुख भूमिका आहेत. विनिल मार्कन दिग्दर्शित आणि उमिश कोहलीची निर्मिती असलेला 'झोरावर' ६ मे रोजी प्रदर्शित होईल.
