बॉलिवूड अभिनेता सुशांत सिंह राजपूतच्या आत्महत्येनंतर घराणेशाही हा वाद पेटून उठला. अनेकांनी सुशांतने घराणेशाहीला कंटाळून आत्महत्या केल्याचे म्हटले होते. त्यामुळे सुशांतच्या चाहत्यांनी बॉलिवूडमधील स्टार किड्सला ट्रोल करण्यास सुरुवात केल्याच्या चर्चा रंगल्या होत्या. विशेष करुन आलिया भट्ट आणि तिच्या कुटुंबीयांवर टीका केली जात होती. त्यामुळे ट्रोलिंगला कंटाळून आलियाने तिचा कमेंट बॉक्स लिमिटेड केला होता. पण आता आलियाने सोशल मीडियावर पोस्ट करताच तिला पुन्हा ट्रोल केले जात आहे. आलियाने इन्स्टाग्राम अकाऊंटवर तिचा एक फोटो शेअर केला आहे. या फोटोमध्ये तिने लाल रंगाचा ड्रेस परिधान केला आहे. ती या सिंपल लूकमध्ये अतिशय सुंदर दिसत आहे. पण नेटकऱ्यांनी तिच्या पोस्टवर कमेंट करुन तिला ट्रोल करण्यास सुरुवात केली आहे. तर काहींनी तिचा हा लूक आवडला आहे. View this post on Instagram “You may not control all the events that happen to you, but you can decide not to be reduced by them,” said Maya Angelou & - @shaheenb A post shared by Alia Bhatt (@aliaabhatt) on Aug 30, 2020 at 8:28pm PDT हा फोटो शेअर करत आलियाने अमेरिकन कवि maya Angelou यांचा कोट शेअर केला आहे. 'कधी कधी ज्या गोष्टी घडत असतात त्यावर आपण नियंत्रण ठेवू शकत नाही. पण या सर्वामुळे तुम्ही स्वत:ला कमी लेखू नका' या आशयाची पोस्ट तिने केली आहे. आलियाचा या पोस्टरवर एका यूजरने कमेंट करत 'सडक २चा इफेक्ट' असे म्हटले आहे. तर दुसऱ्या एका यूजरने सडक २चे डिसलाइक पाहिले का? असे म्हटले आहे. आलियाच्या 'सडक २' चित्रपटाचा ट्रेलर प्रदर्शित होताच पहिल्या २४ तासांमध्ये सर्वाधिक डिसलाइक मिळालेला ट्रेलर ठरला होता. त्यामुळे आता चाहत्यांनी आलियाच्या पोस्टवर कमेंट करत तिला ट्रोल करण्यास सुरुवात केली आहे.