VIDEO: बिग बी आणि अमृता फडणवीस यांचे ‘फिर से’ गाणे प्रदर्शित

ऊंच भरारी घेऊ पाहणाऱ्या स्वप्नांवर विश्वास असला की ती स्वप्न पूर्ण होतात अशा आशयाचं हे गाणं मुंबईच्या ऑपेरा हाऊसमध्ये चित्रित करण्यात आलं. ज्यात अमृता फडणवीस, अमिताभ बच्चन यांच्या परफॉर्मिंग आर्ट्स इन्स्टिट्यूटमध्ये दाखला मिळवण्यासाठी जातात आणि पुढे हे गाणं येत. २०१६ च्या उत्तरार्धात ट्विटरवरून बॉलिवूडचे शहेनशाह अमिताभ बच्चन यांनी आपल्या चाहत्यांना या गाण्याची माहिती दिली होती.

https://twitter.com/Thekkapoor/status/869981452728979456

अमृता फडणवीस यांनी यापूर्वी कुणाल कोहलींच्या ‘फिर से’ तर प्रकाश झा यांच्या ‘जय गंगाजल’ या सिनेमांसाठीही गाणी गायली आहेत. पार्श्व गायनानंतर आता ‘फिर से’ या गाण्यासह त्या प्रेक्षकांसमोर आल्या आहेत. याविषयी बोलताना त्या म्हणतात, “गाण्याचं नाव जरी फिर से असलं तरी बऱ्याचशा गोष्टी या गाण्यात माझ्यासाठी ‘पहिल्यांदा’च घडतायत. पहिल्यांदाच मी एका हलक्या – फुलक्या गाण्याला आवाज दिला आहे, पहिल्यांदाच मी या गाण्याच्या निमित्ताने स्क्रिन वर दिसणार आहे आणि सगळ्यात महत्त्वाचं म्हणजे पहिल्यांदाच मी अमिताभ बच्चन यांच्यासोबत स्किन शेअर करणार आहे.”

बिग बींबरोबर काम करण्याच्या या पहिल्या-वहिल्या अनुभवाबद्दल बोलताना त्यांनी व्हिडिओसाठी त्या निश्चिंत असल्या तरी अमितजींसारख्या दिग्गजाबरोबर काम कराण्याचं दडपण आल्याचं त्यांनी मान्य केलं. मात्र पुढे बोलताना अवघ्या काही शॉट्सनंतर अमितजींनी त्यांच्या वागण्यावरून हे दडपण बाजूला सारल्याची कबूलीही त्यांनी दिली. दरम्यान यावेळी बोलताना शेवटी अहमद खान यांच्या विलक्षण कलाकृतीचं कौतुक करत जीत गांगुलींसारख्या उत्कृष्ट संगीतकाराने हे गाणे संगीतबध्द केल्याचा आनंद व्यक्त केला.

प्रियांकाच्या तोकड्या कपड्यांच्या मुद्द्यावर बिग बी म्हणतात…

यावेळी उपस्थित अमिताभ बच्चन यांनी केवळ अमृता फडणवीस यांच्यासाठी या व्हिडिओला होकार न दिल्याचे म्हणत कोणत्याही महिलेला नाही म्हणणे त्यांना कठीण जात असल्याची कबूली त्यांनी दिली. दरम्यान ही एक सुंदर अनुभूती असल्याचे म्हणत फडणवीस यांची इच्छाशक्ती आणि जिद्द या गाण्याला होकार देण्यासाठी पुरेशी असल्याचे, ते म्हणाले.