बाबासाहेब पुरंदरेंचं निधन : श्रद्धांजली वाहताना अमोल कोल्हे म्हणाले, “माझ्या पिढीला जी गोष्ट दिसली त्यामध्ये…”

अनेक मालिकांमध्ये छत्रपती शिवाजी महाराजांची भूमिका साकारणारे अभिनेते अमोल कोल्हे यांनी एका कार्यक्रमादरम्यानच वाहिली श्रद्धांजली

Amol kolhe On Babasaheb purandare death
एका कार्यक्रमादरम्यान वाहिली श्रद्धांजली

शिवशाहीर बाबासाहेब पुरंदरे यांचं आज वयाच्या १०० व्या वर्षी पुण्यामध्ये निधन झालं. १५ नोव्हेंबर २०२१ रोजी पहाटे ५ वाजून ७ मिनिटांनी बाबासाहेब पुरंदरे यांचं निधन झाल्याची माहिती दीनानाथ मंगेशकर रूग्णालय प्रशासनाने दिली आहे. बाबासाहेब पुरंदरेंच्या निधनाच्या वृत्तानंतर सर्वच स्तरांमधून त्यांना श्रद्धांजली अर्पण केली जात असतानाच राष्ट्रवादी काँग्रेसचे खासदार आणि अनेक मालिकांमध्ये छत्रपती शिवाजी महाराजांची भूमिका साकारणारे अभिनेते अमोल कोल्हे यांनीही बाबासाहेब पुरंदरेंच्या निधनानंतर त्यांना एका कार्यक्रमादरम्यानच श्रद्धांजली अर्पण केलीय.

नक्की पाहा >> Video: १०० व्या वाढदिवशी बाबासाहेब पुरंदरे म्हणालेले, “आयुष्याची आणखी २-३ वर्षे मिळाली तर एवढीच इच्छा आहे की…”

आज सोनी मराठीवरील ‘स्वराज्य सौदामिनी ताराराणी’ मालिकेच्या प्रदर्शनानिमित्त आयोजित करण्यात आलेल्या कार्यक्रमामध्ये बोलताना अमोल कोल्हेंनी बाबासाहेबांना श्रद्धांजली अर्पण केली. “वयाच्या १०० व्या वर्षी बाबासाहेब पुरंदरेंचं निधन झाल्याची बातमी काही पोर्टल्सच्या माध्यमातून आली. सर्व प्रथम त्यांच्या प्रती श्रद्धांजली अर्पण करतो. आपला जाज्वल्य इतिहास अभिमानास्पद इतिहास जनतेसमोर मांडण्याचं काम त्यांनी केलं. माझ्या पिढीला जी गोष्ट दिसली त्यामध्ये शिवशाहीर बाबासाहेब पुरंदरे यांचं नाव अग्रक्रमानं घेणं हे आगत्याचं ठरेल. मी त्यांच्या प्रती व्यक्त केलेली एक कृतज्ञता ठरेल,” असं अमोल कोल्हे यांनी म्हटलं आहे.

नक्की वाचा >> बाबासाहेब पुरंदरे यांचे निधन : गडकरी हळहळले तर नारायण राणे म्हणाले, “ही महाराष्ट्राची खूप मोठी हानी”

मोदींनीही वाहिली श्रद्धांजली….
पंतप्रधान नरेंद्र मोदींनी ट्विटरवरुन बाबासाहेब पुरंदरेंच्या निधनाच्या वृत्तानंतर श्रद्धांजली अर्पण केलीय. बाबासाहेबांच्या निधनामुळे कधीही न भरुन येणारी पोकळी निर्माण झाल्याचं मोदींनी म्हटलं आहे. “शब्दांमध्ये मांडता येणार नाही असं दु:ख मला झालं आहे. बाबासाहेब पुरंदरेच्या निधनामुळे इतिहास आणि संस्कृतिक क्षेत्रामध्ये कधीही न भरुन येणारी पोकळी निर्माण झालीय. त्यांच्या प्रयत्नांमुळेच भविष्यातील पिढ्या छत्रपती शिवाजी महारांजांशी जोडलेल्या राहतील. त्यांनी केलेलं इतर कामही कायमच स्मरणात राहील,” असं पंतप्रधानांनी म्हटलं आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Amol kolhe on babasaheb purandare death scsg