निधनापूर्वी अमरीश पुरी यांनी नातवाला बॉलिवूडविषयी दिला होता ‘हा’ सल्ला

माझ्या आजोबांनी अमरीश पुरी यांनी मला निधनापूर्वी बॉलिवूडविषयी एक सल्ला दिला होता. “अनेक जण नाटकांच्या माध्यमातून चित्रपटसृष्टीमध्ये पदार्पण करत असतात. मात्र रुपेरी पडद्यावर झळकल्यानंतर अनेक जण त्यांच्या खऱ्या पार्श्वभूमीला म्हणजेच थिएटरला विसरुन जातात. त्यांच्या वागण्या-बोलण्याची शैली बदलते. त्यांच्यात एक वेगळाच अॅडिड्यूड येतो. मात्र तू कसं कधीच वागू नकोस. या साऱ्याकडे केवळ करिअरचा भाग म्हणूनच बघ पण त्याला तुझ्या आयुष्याचा भाग होऊ देऊ नकोस”, असं अमरीश पुरी यांनी सांगितलं होतं.

पुढे त्यांनी सांगितलं, “तुझ्यातील आत्मा हा थिएटरमधील एक कलाकार आहे हे कायम लक्षात ठेव. कायम असं वाग ज्यामुळे तुझे पाय जमिनीवर राहतील. तुझे पाय जमिनीवर राहिले तरच तू यशस्वी होशील”. दरम्यान, वर्धनची मुख्य भूमिका असलेला ‘ये साली आशिकी’ हा चित्रपट लवकरच प्रेक्षकांच्या भेटीला येणार आहे. या चित्रपटामध्ये त्याच्यासोबत शिवालिका ओबेरॉय स्क्रीन शेअर करणार आहे.