“फॅशनच्या नादात लग्न…”, अवॉर्ड सोहळ्यातील ‘त्या’ व्हिडीओमुळे कियारा आडवाणी ट्रोल

लग्नानंतर पहिल्यांदाच सिद्धार्थ-कियाराने एका पुरस्कार सोहळ्याला हजेरी लावली. त्यामुळे सर्वांच्या नजरा त्यांच्यावर खिळल्या होत्या. यावेळी कियाराने पिवळ्या रंगाची साडी परिधान केली होती. लग्नानंतर सार्वजनिक कार्यक्रमाला हजेरी लावण्याची सिद्धार्थ-कियाराची ही पहिलीच वेळ होती. मात्र या ठिकाणी दोघंही वेगवेगळे पोहोचल्याने सर्वांच्या भुवया उंचावल्या. तसेच कियारा अडवाणीला ट्रोलही केलं गेलं.

आणखी वाचा- “हिला तर नुसती फॅशन…”, एअरपोर्टवरील ‘त्या’ व्हिडीओमुळे ट्रोल झाली कियारा अडवाणी

कियारा अडवाणीचा या पुरस्कार सोहळ्यातील एक व्हिडीओ सोशल मीडियावर व्हायरल झाला आहे. ज्यात तिने मंगळसूत्र, वेडिंग रिंग घातलेली नाही. तसेच सिंदूरही लावलेला नाही. त्यावरुन येणाऱ्या काळात लग्नाचं काय महत्त्व राहणार आहे अशी चर्चा सोशल मीडियावर सुरू झाली आहे. एका युजरने या व्हिडीओवर कमेंट करताना, “ना मंगळसूत्र ना सिंदूर ना वेडिंग रिंग, हे लग्न आहे की ड्रामा?” असा सवाल केला आहे. तर काही युजर्सनी, “फॅशनच्या नादात लग्न झालंय हे विसरून गेले आहेत” असा टोलाही लगावला आहे.

आणखी वाचा- “माझ्यावेळीही त्यांनी…”, सिद्धार्थ शुक्लाच्या विजेतेपदाबद्दल ३ वर्षांनंतर आसिम रियाजचा खळबळजनक खुलासा

दरम्यान सिद्धार्थ आणि कियाराने ७ फेब्रुवारीला जैसलमेर येथील सूर्यगढ पॅलेसमध्ये लग्न केलं होतं. या लग्नाला दोघांचेही कुटुंबीय आणि जवळचा मित्रपरिवार उपस्थित होता. तसेच काही निवडक बॉलिवूड सेलिब्रेटींनी निमंत्रत करण्यात आलं होतं. सोशल मीडियावर या दोघांच्या लग्नाचे आणि त्याआधीच्या विधींचे बरेच फोटो व्हायरल झाले होते.