scorecardresearch

Premium

सनी देओलचा मुलगा अन् पूनम ढिल्लोंच्या मुलीचं बॉलीवूड पदार्पण, राजवीर-पलोमाच्या ‘दोनों’ने कमावले फक्त ३० लाख रुपये

Dono box office collection day 1: राजवीर देओल व पलोमाच्या चित्रपटाची पहिल्या दिवसाची कमाई

Rajveer Deol Paloma-starrer Dono box office collection day 1
'दोनों' बॉक्स ऑफिस कलेक्शन (फोटो – राजवीर देओल इन्स्टाग्राम)

Dono box office collection day 1: सनी देओलचा धाकटा मुलगा राजवीर व पूनम ढिल्लनची मुलगी पलोमा यांनी एकाच चित्रपटातून बॉलीवूडमध्ये पदार्पण केले आहे. त्यांचा पहिला चित्रपट ‘दोनों’ शुक्रवारी (६ ऑक्टोबर रोजी) थिएटरमध्ये प्रदर्शित झाला. सूरज बडजात्या यांचा मुलगा अवनीश बडजात्याने या चित्रपटाचं दिग्दर्शन केलं आहे. या चित्रपटाच्या पहिल्या दिवसाच्या कमाईचे आकडे समोर आले आहेत.

“कोणाच्या बापाची हिंमत नाही की…”, अक्षय कुमार स्पष्टच बोलला; म्हणाला, “सगळे मला…”

alibaba ani chalishitale chor
‘अलीबाबा आणि चाळीशीतले चोर’ लवकरच येणार प्रेक्षकांच्या भेटीला, चित्रपटाचे पोस्टर चर्चेत
Sarfaraz reacts to run out in IND vs ENG 3rd Test Match
IND vs ENG 3rd Test : पदार्पणवीर सरफराज खानने ‘रनआऊट’च्या वादावर सोडले मौन, रवींद्र जडेजाने मान्य केली चूक
razakar-trailer
“ओम शब्द आणि भगवा रंग…”, हैदराबाद नरसंहारावर बेतलेल्या ‘रजाकार’ चित्रपटाचा अस्वस्थ करणारा ट्रेलर प्रदर्शित
sandeep-reddy-vanga-family-reaction
संदीप रेड्डी वांगाच्या सात वर्षाच्या मुलाला आवडला ‘अ‍ॅनिमल’मधील ‘हा’ सीन व पत्नीनेही दिली प्रतिक्रिया; दिग्दर्शकाचा खुलासा

‘दोनों’ हा एक रोमँटिक ड्रामा चित्रपट आहे. या चित्रपटाचं आमिर खान, सलमान खान आणि अनुपम खेर यांनी प्रमोशन केलं होतं. पण त्याचा फारसा फायदा चित्रपटाला झाला नाही, असं दिसत आहे. चित्रपटाने पहिल्या दिवशी अवघ्या ३५ लाख रुपयांची कमाई केली, जी खूपच कमी आहे. या चित्रपटाला पहिल्या दिवशी ‘मिशन रानीगंज’ आणि भूमी पेडणेकरच्या ‘थँक यू फॉर कमिंग’बरोबर स्पर्धा करावी लागली. तिन्हींपैकी दोनोंचं बॉक्स ऑफिस कलेक्शन सर्वात कमी राहिलं.

अक्षय कुमारच्या ‘मिशन रानीगंज’ने पहिल्या दिवशी किती कमाई केली? ५५ कोटींचे बजेट असलेल्या सिनेमाने कमावले…

सनीचा मोठा मुलगा करण देओलने २०१९ मध्ये ‘पल पल दिल के पास’ या चित्रपटातून बॉलीवूडमध्ये पदार्पण केले होते. स्वत: सनीने दिग्दर्शित केलेल्या या चित्रपटाने पहिल्या दिवशी १.३ कोटी रुपयांची कमाई केली होती आणि अखेरीस तो फ्लॉप झाला होता. त्या चित्रपटाच्या तुलनेत राजवीरचा चित्रपट खूपच कमी कमाई करू शकला आहे. मुलाच्या चित्रपटाला काही लाखात ओपनिंग मिळाली असताना सनीने मात्र यंदा ‘गदर २’ हा ब्लॉकबस्टर चित्रपट दिला.

‘दोनों’ हा एक रोमँटिक ड्रामा चित्रपट आहे. ज्याला एका लग्नाची पार्श्वभूमी आहे. राजवीर आणि पलोमा यांनी देव आणि मेघना नावाची पात्रं साकारली आहे. ते दोघे एका लग्नात भेटतात आणि प्रेमात पडतात, अशी या चित्रपटाची कथा आहे. पहिल्या दिवशी चित्रपटाला फारसं यश आलेलं नाही पण शनिवार व रविवार या दोन दिवसांच्या वीकेंडमध्ये चित्रपट किती कमाई करतो, हे पाहणं महत्त्वाचं ठरेल.

Latest Comment
View All Comments
Post Comment

मराठीतील सर्व बॉलीवूड बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Rajveer deol paloma starrer dono box office collection day 1 film earned 30 lakh hrc

First published on: 07-10-2023 at 11:35 IST

संबंधित बातम्या

तुम्ही या बातम्या वाचल्या आहेत का? ×