मराठी-हिंदी मालिका, चित्रपटांतून घराघरांत पोहचलेली अभिनेत्री दिप्ती देवी आता रेडिओ जॉकी म्हणजे ‘आरजे’ बनून श्रोत्यांशी संवाद साधणार आहे. दिप्तीच्या या नव्या इनिंगबद्दल तुम्हाला ‘कंडिशन्स अप्लाय-अटी लागू’ या आगामी चित्रपटातून जाणून घेता येईल. संस्कृती सिनेव्हिजन प्रोडक्शनचा डॉ. संदेश म्हात्रे निर्मित व गिरीश मोहिते दिग्दर्शित हा चित्रपट ७ जुलैला प्रेक्षकांच्या भेटीला येणार आहे.
वाचा : सलमानच्या हस्ते सार्वजनिक शौचालयाचे उदघाटन
या चित्रपटात दिप्ती ‘आरजे’ स्वरा हळदणकर ही व्यक्तिरेखा साकारणार आहे. ‘आरजे’ च्या भूमिकेत शिरलेली दिप्ती म्हणाली की, ‘आरजे’ ची भूमिका ही आव्हानात्मक व तितकीच रंजक आहे. स्वत:सोबत इतरांची मनं आणि मतं जाणून घ्यायची जबाबदारी ‘आरजे’वर असते. या भूमिकेने मला खूप चांगला अनुभव दिला. स्वतंत्र विचारसरणीच्या स्वराचा आयुष्याकडे बघण्याचा दृष्टीकोन दाखवताना ‘प्रेम’ व ‘लग्न’ या दोन्ही गोष्टींकडे आजची पिढी कशा पद्धतीने पहाते यावर कंडिशन्स अप्लाय हा सिनेमा भाष्य करतो.
वाचा : केदारनाथाच्या आशिर्वादाने सारा अली खानची नव्या इनिंगला सुरुवात
कंडिशन्स अप्लाय मध्ये दिप्ती देवी सोबत सुबोध भावे, अतुल परचुरे, राधिका विद्यासागर, मिलिंद फाटक, राजन ताम्हाणे, अतिशा नाईक, डॉ. उत्कर्षा नाईक, विनीत शर्मा हे कलाकार आहेत. या चित्रपटाचे कथा, पटकथा आणि संवादलेखन संजय पवार यांचे आहे. छायांकन कृष्णा सोरेन यांचं असून संकलन निलेश गावंड यांचं आहे. संगीत अविनाश-विश्वजीत यांनी दिलं आहे. सचिन भोसले व अमोल साखरकर चित्रपटाचे सहनिर्माते आहेत. प्रसाद पांचाळ कार्यकारी निर्माते आहेत. ७ जुलैला ‘कंडिशन्स अप्लाय’ सर्वत्र प्रदर्शित होत आहे.
