स्कूटर घेऊन गेलेले, परतलेच नाही; अहमदाबाद विमान अपघातात चित्रपट निर्मात्याचा मृत्यू, डीएनए टेस्टनंतर पटली ओळख

गुजराती माध्यमांच्या वृत्तानुसार, महेश जिरावाला एअर इंडियाचे विमान जिथे कोसळले त्या ठिकाणी होते. अपघातस्थळावरून त्यांची स्कूटर सापडली होती, जी जळालेल्या अवस्थेत होती. तसेच महेश यांच्या मोबाईलचे लोकेशन ट्रॅक करण्यात आले होते, ते शेवटचे अपघातस्थळीच होते, असं त्यातून स्पष्ट झालं होतं.

महेश यांचे कुटुंबीय त्यांचे निधन झाले, हे स्वीकारायला तयार नव्हते. त्यांना महेश यांच्या मृत्यूचा मोठा धक्का बसला होता. पोलिसांनी त्यांच्या स्कूटरचा चेसिस नंबर व डीएनए रिपोर्ट कुटुंबियांना दाखवले, त्यानंतर त्यांनी मृतदेह घेतला. महेश यांच्या पश्चात पत्नी व दोन मुलं आहेत.

अहमदाबाद विमान अपघातात गुजराती चित्रपट निर्माते महेश जरिवाला यांचे निधन झाले आहे. डीएनए टेस्टवरून त्यांच्या मृतदेहाची ओळख पटवण्यात आली.