यंदाच्या आयफा पुरस्कार सोहळ्याला करोनाचा फटका

मध्य प्रदेशमध्ये मार्च महिन्याच्या अखेरीस आयफा पुरस्कार सोहळा संपन्न होणार होता. या सोहळ्यात जगभरातून कलाविश्वातील अनेक दिग्गज व्यक्ती सहभागी होणार होती. मात्र, करोनामुळे या सोहळ्याची तारीख पुढे ढकलण्यात आली आहे. आयफाच्या आयोजकांनी सोशल मीडियाच्या माध्यमातून याविषयी अधिकृत माहिती दिली आहे.

We will be back with new plans in Madhya Pradesh!
Please take the necessary precautions and stay safe.#IIFA #IIFA2020 pic.twitter.com/aUcufJqggz

— IIFA Awards (@IIFA) March 6, 2020

जगभरात पसरत चाललेला करोना व्हायरस आणि आयफाचे चाहते, सर्वसामान्य नागरिक यांच्या आरोग्याचा विचार करुन आयफाच्या कार्यकारिणींनी आणि कलाविश्वातील काही दिग्गजांबरोबर चर्चा करुन या पुरस्कार सोहळ्याची तारीख पुढे ढकलण्याचा निर्णय घेण्यात आला आहे, असं आयफा आयोजकांनी ट्विट करुन माहिती दिली.

भारतात करोना व्हायरसचा प्रादुर्भाव वाढताना दिसतो आहे. कारण या व्हायरसची लागण झालेल्या भारतातील रुग्णांची संख्या आता पाचवर पोहोचल्याचं सांगण्यात येत आहे. दिल्ली आणि हैदराबाद येथे दोन नवे रुग्ण आढळून आले आहेत.