सुशांतने साराला केलं अनफॉलो, वाचा ती काय म्हणतेय..

‘डेक्कन क्रॉनिकलने’ने दिलेल्या वृत्तानुसार साराने सुशांतसोबत अफेअरच्या सर्व चर्चा फेटाळल्या आहेत. ‘या संपूर्ण प्रकरणात मला स्पष्टीकरण द्यायची गरज आहे असं वाटत नाही. चुकीच्या गोष्टी पसवण्यासाठी किंवा स्वत:च्या मनोरंजनासाठी लोक अशाप्रकारच्या अफवा पसरवत आहेत. सुशांत आणि माझ्यात प्रेमकथा कधीच नव्हती,’ असं ती म्हणाली. याचसोबत तिने कार्तिक आर्यनसोबत अफेअरच्या चर्चांनाही पूर्णविराम दिला.

‘केदारनाथ’ या चित्रपटापासून सारा आणि सुशांतच्या अफेअरची चर्चा होती. अनेकदा कार्यक्रमात, पार्ट्यांमध्ये ते दोघंही एकत्र वावरताना दिसले. मात्र अचानक सुशांतनं त्याच्या इन्स्टाग्रामवरील सर्व पोस्ट डीलीट करत साराला अनफॉलो केलं तेव्हापासून या दोघांमध्ये ब्रेकअप झाल्याच्या चर्चा आहेत.

सारा आणि कार्तिक इम्तियाज अली दिग्दर्शित आगामी ‘लव्ह आज कल’ या चित्रपटाच्या सीक्वलमध्ये एकत्र काम करणार आहेत. ‘लव्ह आज कल’मध्ये सैफ अली खान आणि दीपिका पदुकोणने मुख्य भूमिका साकारली होती.