उर्फी जावेद ही तिच्या कपड्यांमुळे कायमच चर्चेत असते. उर्फी सोशल मीडियावर सक्रिय राहून तिच्या आयुष्याबद्दलचे अपडेट्स शेअर करत असते. जवळपास रोजच ती हटके कपड्यांमध्ये दिसते. तिच्या अतरंगी फॅशनमुळे आतापर्यंत अनेकदा तिला ट्रोल करण्यात आलं आहे. फक्त नेटकऱ्यांनीच नाही तर अनेक नामवंत लोकांनीही तिच्यावर टीका केली. सतत चर्चेत असूनही उर्फीने तिच्या लव्ह लाईफबद्दल फारशी माहिती कधीच दिलेली नाही. उर्फीचं नाव हे बऱ्याच लोकांबरोबर जोडलं गेलं पण त्यात अजिबात तथ्य आढळून आलं नाही. आता उर्फी एका मुलीला डेट करत असल्याची चर्चा रंगली आहे त्यामुळे ती पुन्हा चर्चेत आली आहे. नुकत्याच सोशल मीडियावर व्हायरल झालेल्या एका फोटोमुळे या चर्चेला उधाण आलं आहे. आणखी वाचा : "आमच्यासाठी चाहत्यांचं प्रेमच…" चित्रपटसृष्टीतील राजकारणाविषयी धर्मेंद्र यांनी व्यक्त केली नाराजी उर्फी ही तिची खास मैत्रीण काजोलला डेट करत असल्याची चर्चा आहे. उर्फी तिच्याबरोबर बाहेर गेल्यावर किंवा डिनरला गेल्यावर फोटो पोस्ट करत असते. या फोटोमधील केमिस्ट्री पाहून या दोघी एकमेकांच्या मैत्रिणी नक्कीच नाहीत असा अंदाज नेटकऱ्यांनी लावला आहे. याबरोबरच दोघीही एकमेकींबरोबर वीकेंड एकत्र घालवतात. फोटो : सोशल मीडिया काही दिवसांपूर्वी उर्फीने तिच्या सोशल मीडिया अकाऊंटवर काजोलला कीस करतानाचा एक फोटो स्टोरी म्हणून पोस्ट केला होता. या फोटोत या दोघींमधील केमिस्ट्री पाहता या दोघी डेट करत असल्याची चर्चा व्हायला सुरुवात झाली. काजोलला कीस करतानाचा हा फोटो व्हायरल झाल्याने उर्फी बायसेक्शुअल असल्याचंही म्हंटलं जात आहे. उर्फीने अद्याप तिच्या या रिलेशनशीपबद्दल कुठेही खुलासा केला नसला तरी या व्हायरल फोटोमुळे तिच्या या नव्या नात्याची चांगलीच चर्चा होत आहे.
